ملک اٹی لوڈشیڈنگ اٹی صفا ئُ کمتی اس بسنے، ہراعلاقہ غاتیٹی بجلی زیات دُزی مریک و عدم ادائیگی ارے ہموڑے لوڈشیڈنگ زیات کننگک
اسلام آباد۔ 19 اگست (اے پی پی) بنجائی وزیر دیر و بجلی خواجہ محمد آصف پارینے کہ ملک اٹی لوڈشیڈنگ اٹی صفائُ کمتی اس بسنے، ہراعلاقہ غاتیٹی بجلی دزی مریک و عدم ادائیگی ارے ہموڑے لوڈشیڈنگ ہم زیات کننگک۔ جمعہ آ اسہ انٹرویو اسے ٹی اوپارے کہ نن ملک آن بجلی تنکی نا چٹفنگ کن کاریم کننگ اُن، 2018 ءنا گچین کاری تیان مست ملک آن لوڈشیڈنگ ئِ چٹفنگک۔ اوپارے کہ پاکستان مسلم لیگ (ن) نا حکومت تینا مدت ئِ پورو کیک۔ مسلم لیگ ن ہی ہمو جماعت ئِ ہرا ملک ئِ شون و شونہالی نا کسر آ دننگ کیک ہرانا ثبوت غٹ انا مون آٹی ئِ۔ اوپارے کہ ساڑی آ حکومت نا گچین و کارآمد پالیسی تا بدولت ملکی معیشت دے پہ دے سوگو مننگ ئِ ہرانا اعتراف ئِ جہانی ادارہ غاک ہم کننگ ئُ۔
