کوئٹہ۔ 17اگست (اے پی پی) ڈپٹی میئر کوئٹہ میٹروپولیٹن کارپوریشن محمدیونس بلوچ پارینے کہ وزیراعلیٰ بلوچستان نواب ثنا ءاللہ خان زہری نا خصوصی پارت آ صوبہ نا ایلو شارتیامبار کوئٹہ ٹی ہم صفائی نا خصوصی مہم ترندی اٹ جاری ئِ ، الس ئِ زوت صاف ستھرا شار اس ٹیکی اٹ ایتنہ۔ داہیت ئِ او ”اے پی پی “ تون ہیت وگپ کرسا پارے، اوپارے کہ کوئٹہ ئِ صاف ستھرا جوڑ کننگ و اونا روایتی زیبائی نا بحالی کن کارپوریشن نا عملہ شار انا کیہی علاقہ غاتیٹی گچین بلدیاتی نمائندہ غاتا چاروکی ٹی دے و نن کاریم کننگ ئُ۔ اوپارے کہ بھلو وخت اسے نا تموک کچرہ غاتے تلف کننگ انگ ئِ وخت اس کہ نالی ، گلی تا صفائی نا کاریم ہم ترندی اٹ جاری ئِ۔ ڈپٹی میئر پارے کہ شار انا کیہی شاہراہ تیا زیباایل ای ڈی لیٹس خلنگ انگ ئِ و کوئٹہ شار انا دروشم ترندی اٹ بدلینگ انگ ئِ۔ اوکوئٹہ نا شار و خاص وڑاٹ دوکاندار آتیان خواست کرے کہ تینا شار ئِ صاف ستھرا تخنگ نا کوشست آتیٹی پبی کمک کیر۔ اوپارے کہ ننا غٹ انا شار ئِ و غٹ اواری اٹ داگم مروک آ حسن ئِ بحال کننگ کینہ و اودے صاف ستھرا تخنگ کینہ۔
