اسلام آباد۔ 17 اگست (اے پی پی) چین پاکستان اقتصادی راہداری نا رداٹ مچ آ ملک اٹی توانائی نا ڈٹ آتیا 34ارب 57 کروڑ ڈالر خڑچ کننگک۔ وزارت دیر و بجلی نا ذرائع نا رداٹ کولا، تہو، ایل این جی و ایلو ذرائع آن جمی وڑاٹ 17 ہزار 45میگاواٹ بجلی ودی مریک۔ اوکان بیدس بجلی نا ترسیل نا نظام و بنداوی ڈھانچہ ئِ ہم گچین جوڑ کننگک۔ سندھ اٹی توانائی نا ڈٹ آتیا 12ارب 46کروڑ 10 لکھ ڈالر وخت اس کہ خیبر پختونخوا ٹی 870 میگاواٹ نا بجلی نا ڈٹ آتیا اسہ ارب 80 کروڑ 20 لکھ ڈالر و آزاد کشمیر اٹی 1820 میگاواٹ نا بجلی نا ڈٹ آتیا 4ارب 39 کروڑ 70 لکھ ڈالر خڑچ کننگک۔ سی پیک نا رداٹ مچ آ ملک اٹی بجلی نا ترسیل نا نظام ئِ گچین جوڑ کننگ کن ہم بھلو زرکاری اس کننگک۔
