1965ءو 1971ءنا جنگ آتا وخت آ ہرابندغ آک تینا ڈغارتے ہلار ہنار و اوفتے آ کوزہ مسوسس
اسلام آباد۔ 17 اگست (اے پی پی ) بنجائی وزیر پارلیمانی امور شیخ آفتاب احمد قومی اسمبلی ئِ پارینے کہ 1965ءو 1971 ءنا جنگ آتا وخت آ ہر بندغ آک تینا ڈغار تے ہلا ر ہنار و اوفتے آ کوزہ مسوسس، ضلع تھر پارکر نا کیہی علاقہ غاتیان دا کوزہ ئِ واگزار کرفنگانے، مچ آ ملک انا دننگا ڈغار تا سرجم احوال آتے دوئی کرسا ایوان ئِ فراوان کننگک۔ چارشنبے آ قومی اسمبلی نا دیوان نا وخت آ ضلع تھر پار کر اٹی ماڑی تیا زبردستی کوزہ کننگ آن بابت ڈاکٹر رمیش کمار وینکوانی نا توجوہ مبذول نوٹس نا ورندی ئِ ترسا بنجائی وزیر پارے کہ 1965ءو 1971ءنا جنگ آتا وخت آ ہرا بندغ آک تینا ڈغار تے ہلار ہناسر اوفتے آ کوزہ مسوسس۔ اوپارے کہ تعلقدار کمشنر نا کمک اٹ ضلع تھر پارکر نا کیہی علاقہ غاتیان کوزہ واگزار کرفنگانے۔ بنجائی وزیر پارے کہ فاضل باسک مچ آ ملک انا دننگا ڈغار تا سرجم احوال آتے بٹنگانے۔ اوفتا سرجم احوال آتے دوئی کرسا ایوان ئِ فراوان کننگک

متعلقہ مضامینمصنف کی طرف سے مزید