اسلام آباد۔ 16اگست (اے پی پی) وزیراعظم محمد نواز شریف پارینے کہ آزاد جموں و کشمیر اٹی گچین کاری عمل نا تسلسل آن جمہوری نظام ئِ خاطر کواہ سوگوی ملانے۔ اوداہیت ئِ آزاد کشمیر نا سبکدوش مروک آ صدر سردار محمد یعقوب تون ہیت وگپ کرسا پارے ہرا سے شنبے آ اوڑتون وزیراعظم ہاﺅس اٹی الوداعی اوڑدہی کرے ۔ وزیراعظم صدارتی مدت نا وخت آ ریاستی معاملہ غاتے جوان وڑاٹ انجام تننگ آ سردار یعقوب نا خذمت آتا ستائِ کرے۔ اوکشمیری الس نا ہندی جہد آجوئی کن حکومت نا کنڈآن پبی اخلاقی، سفارتی و سیاسی مخ تفی فراوان کننگ نا پکا عزم انا اعادہ ئِ کرے۔ اوپارے کہ جہانی برادری ئِ کودک بے گناہ کشمیری تا برخلاف ساڑی آ بھارتی ظلم انا نوٹس ئِ ہلوئی مرے ہرا تینا ناقابل تسنیخ آجوئی نا حق انا دوئی کن بے پناہ قربانی تننگ ئُ۔
