ایوان اٹی انتس محمود خان اچکزئی پارینے اونا او، انتس کہ ای پارینٹ اونا ای زمہ وار اُٹ، چوہدری نثار

اسلام آباد۔ 16اگست (اے پی پی) وزیر داخلہ چوہدری نثارعلی خان پارینے کہ او محمود خان اچکزئی نا شرف ئِ کیک ، انتس کہ او ایوان اٹی پارینے اونا او و انتس کہ ای پارینٹ اونا ای زمہ وار اُٹ۔ سے شنبے آ قومی اسمبلی ٹی اعتراضی ٹک آ محمود خان اچکزئی پارینے کہ وزیراعظم نا ساڑی گری ٹی وزیر داخلہ کنا بابت انتس کہ پارینے او بابت آن وخت تننگے۔ اوڑآ وزیرداخلہ چوہدری نثارعلی خان پارے کہ فاضل باسک نا شرف ئِ کیوہ۔ کنا ساڑی گری ٹی ہی ہیت کے تو او منت وار اُٹ۔ انتس کہ فاضل باسک پارینے کہ اونا او زمہ وار ئِ و انتس کہ ای پارینٹ اونا ای زمہ وار اُٹ۔