پاکستان نا کنڈآن بھارت ئِ کشمیر نا تنازعہ غا ہیت وگپ نا باضابطہ سلہ
بھارتی ہم منصب کن سلہ نامہ اس حوالہ کرے
اسلام آباد۔ 15اگست (اے پی پی) پاکستان بھارت ئِ کشمیر نا تنازعہ غاہیت وگپ نا باضابطہ سلہ تسنے ہرا ہڑتوم آ ملک آتا نیام اٹ سوب تنازعہ ئِ۔ دفترخارجہ آن دوشنبے آ داڑے برجاءمروک آ بیان اٹی پاننگانے کہ سیکرٹری خارجہ اعزاز احمد چوہدری بھارتی ہائی کمشنر تون اوڑدہی کرے و اودے تینا بھارتی ہم منصب کن سلہ نامہ اس حوالہ کرے۔ ہراٹی اودے مذاکرات کن پاکستان آ بننگ نا سلہ تننگانے۔ چھٹی ٹی پاننگانے کہ پاکستان و بھارت ہڑتوم آ ملک آتیا دا جہانی زمہ واری عائد مریک کہ او جموں و کشمیر نا تنازعہ ئِ اقوام متحدہ نا سلامتی کونسل نا قرارداد آتا رداٹ ایسر کیر۔
