اسلام آباد۔ 15اگست (اے پی پی) بنجائی دارالحکومت اسلام آباد نا 8 سول عدالت آتیٹی 1775 مقدمہ غاک زیر التواءئُ وخت اس کہ اینخو سال مارچ انا تُو اسکان 6361مقدمہ غاتے چٹفنگانے۔ اے پی پی ئِ دستیاب سرجم احوال آتا رداٹ سال 2013ءٹی 3782 پوسکن ئُ مقدمہ دائر کننگا ہنداوڑ 2014ءٹی 2068 ، 2015ءٹی 3872 و اینخو سال انا اولیکو مسہ تو انا وخت آ 363 مقدمہ دائر کننگا وخت اس کہ 2013ءنا بناءٹی 995 مسکوہی مقدمہ غاک زیرالتواءئسر۔ فیملی کورٹس 2013ءٹی 4272، 2014ءٹی 1965، 2015ءٹی 3286و اینخو سال انا اولیکو مسہ تو انا وخت آ 281 مقدمہ غاتے چٹفے۔ دستاویز آتا رداٹ ماتحت عدالت آتیٹی آسراتی و اسٹاف نا کمتی و فیملی کورٹس انا فیصلہ غاتیا بروخت عملدرآمد مفننگ نا سوب مقدمہ غاک زیرالتواءنا گواچی مننگ ئُ حکومت جی ٹین اٹی پوسکن ئُ کورٹس کمپلیکس اسے نا پڑو ئِ کرینے ہرانا سوب پوسکنا عدالت آک ، ججز آتا چیمبرز و سائلین آتے غٹ آسراتی فراوان کننگک ۔
