اسلام آباد۔ 15اگست (اے پی پی) پاکستان مسلم لیگ(ن) نا راہشون محمد پرویز ملک پارینے کہ ساڑی آ حکومت ملکی معیشت ئِ پین شون تننگ اٹی بھاز است خواہی تخک۔ ریڈیو پاکستان تون ہیت وگپ کرسا اوپارے کہ پاکستان مسلم لیگ (ن) نا ساڑی آ حکومت ملک اٹی ساڑی غٹ وسیلہ غاتے کاریم اٹ ہتسا غٹ ویل آتے ایسر کننگ نا کوشست کننگ اٹی ئِ۔ اوپارے کہ حکومت لس بندغ نا حالیت ئِ گچین و معیشت ئِ سوگو کننگ کن کیہی گام گیج کننگ اٹی ئِ۔ ملکی حالیت آتیا ہریفوک آ سوج انا ورندیئِ ترسا اوپارے کہ ملک اٹی امن و ایمنی نا جمی حالیت آک کنٹرول اٹی ئُ۔ اوپارے کہ ساڑی آ حکومت و سیکورٹی فورسز آک ملک ئِ دہشت گردی آن پوروی وڑاٹ پاک کننگ کن پرعزم ئُ۔

متعلقہ مضامینمصنف کی طرف سے مزید