اسلام آباد ۔ 13 اگست (اے پی پی) اوگانستان ئَ صوبہ ئِ لوگر ئَ کریش لینڈنگ کنوکیں پنجاپ حکومت ئِ ہیلی کاپٹر ئِ شش مردم بازیابی ئَ پد یک شمبے ئَ اسلام آباد ئَ سربوت۔ سرجئیں مردم دُراھ ئُُ جان سلامت انت۔ درئی کارانی دپتر ئِ دارچین ئِ رد ئَ باسک فاٹا ئَ پاک اوگان سیم سر ئَ دمگی مردم آنی ھوالگ ئَ کنگ بوتگ اَنت۔ ایشانی فاٹا ئَ چہ کاپٹر ئِ وسیلگ ئَ اسلام آباد ئَ سر کنگ بوتگ۔ اے کارندہ آنی تہ ئَکیپٹن صفدر حسین(چیف پائلٹ)،کیپٹن صفدر اشرف،کیپٹن محمد شفیق الرحمان(فرسٹ آفیسر)،ناصر محمود(فلائیٹ انجینئر)،محمد کوثر(کریو چیف) ئُُ سرگئی سیوستیانوف(روسی نیوی گیٹر) ھوار اَنت۔ پنجاپ حکومت ئِ ہیلی کاپٹر ایم آئی۔17مُدام ئیگیں رنگ ئَ اڈ کنگ ئِ مکسد ئَ دیم پہ روس ئَ روگ ئَ 4اگست ئَ اوگانستان ئِ صوبہ لوگرئَ کریش لینڈکُت اِت گڈا آھودا ایشی ئِ مردم آناں آھور جنگ بوتگ اَت۔
