اسلام آباد۔ 12 اگست (اے پی پی) صدر مملکت ممنون حسین دا عزمئِ دوہرائفینے کہ پاکستان اقوام متحدہ نا سلامتی کونسل نا قرارداد آتا رداٹ حق خودارادیت نا دوئی کن بھارتی مقبوضہ کشمیر نا الس نا منصفانہ جہد نا مخ تفی ئِ برجاتخک۔ داہیت ئِ او جمعہ آ آزاد جموں و کشمیر نا صدر سردار محمد یعقوب تون ایوان صدر اٹی اوڑدہی نا وخت آ پارے۔ صدر مملکت ممنون حسین آزاد کشمیر اٹی ساڑی آ گچین کاری تا سرسہب اڈتننگ و پرامن اقتدار نا منتقلی آ است جمی نا درشانی ئِ کرے ۔ صدر مملکت اومیت ظاہر کرے کہ پوسکن گچین مروک آ السی نمائندہ الس نا خذمت و اوفتا ویل آتے ایسر کننگ نا کوشست کیک۔ صدر آزاد کشمیر سردار محمد یعقوب صدر مملکت ممنون حسین ئِ آزاد کشمیر نا جمی حالیت آتیان معلومدار کرے و کشمیر نا معاملہ غاتیٹی است خواہی ہلنگ آ اونا منت واری ئِ ادا کرے۔
