نیشنل ایکشن پلان آ پورو عملدرآمد المی ئِ، دہشت گردی نا چٹفنگ و امن و ایمنی نا حالیت آتے گچین جوڑ کننگ کن گام گیج کروئی مریک
اسلام آباد۔ 12اگست (اے پی پی) پاکستان تحریک انصاف نا راہشون و قومی اسمبلی نا باسک شفقت محمود پارینے کہ نیشنل ایکشن پلان آ پورو عملدرآمد المی ئِ۔ دہشت گردی نا چٹفنگ و امن و ایمنی نا حالیت آتے گچین جوڑ کننگ کن گام گیج کروئی مریک۔ چناتا برمتہ نا معاملہ بھاز تکلیف د ہ ئِ ، 14اگست یوم تجدید نا دے ئِ ۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ نیشنل ایکشن پلان نا غٹ بیست ٹک آتیا عملدرآمد کرفوئی مرے انتئے کہ غٹ ٹک آتیا عملدرآمد کپننگ آن دہشت گردی نا خاتمہ ممکن اف۔ حکومت ئِ مرے کہ ملک آن دہشت گردی نا خاتمہ و امن و ایمنی نا حالیت آتے گچین جوڑ کننگ کن سنجیدہ گام گیج کے۔اوپارے کہ چناتا برمتہ نا معاملہ تکلیف دہ عمل اسے، بنجائی و صوبائی حکومت آتے دا وویل آ توجوہ تننگ نا گرج ئِ ۔ اسہ سوج اسے نا ورندی ٹی اوپارے کہ 14اگست تجدید نا دے ئِ، ملکی شون اکن ورناتے مون آ بننگ نا گرج ئِ۔
