اقتصادی راہداری نا نتیجہ ٹی پاکستان اٹی ملازمت آتا 8لکھ پوسکن ئُ وارخواہی ودی مریک، راہداری نا دیکی بشخ آن بابت ڈٹ آتیا کاریم دسمبر 2016ءاسکان پورو مریک، اولیکو مرحلہ ٹی توانائی نا ڈٹ آتے اولیت تننگانے ، ٹرانسپورٹ نا پوسکنا انفراسٹرکچر پاکستانی معیشت ئِ جہانی مسابقت کن تیار کیک، وزارت ڈٹ بندی شون و اصلاحات

اسلام آباد۔ 12اگست (اے پی پی) پاک چین اقتصادی راہداری نا نتیجہ ٹی پاکستان اٹی ملازم آتا 8 پوسکن ئُ وارخواہی ودی کننگ اٹی کمک رسینگک، راہداری نا دیکی بشخ آن بابت ڈٹ آتیا کاریم دسمبر 2016ءاسکان پورو مریک ، توانائی نا ڈٹ ئِ اولیکو مرحلہ ٹی اولیت تننگانے ، ٹرانسپورٹ نا پوسکنا انفراسٹرکچر پاکستانی معیشت ئِ جہانی مسابقت کن تیار کیک، پاکستان تینا محل و وقوع ، کم پیداواری خڑچ و چین انا ٹیکنالوجی نا کمک اٹ پوسکن ئُ اقتصادی وارخواہی ودی کننگ کیک۔ جمعہ آ وزارت ڈٹ بندی شون و اصلاحات نا ذرائع اے پی پی ئِ پارے کہ ڈٹ پورو مننگ آن گڈ ملک انا معاشی و راجی حالیت آتیٹی ترندی اٹ گچینی بریک۔ چین نا کمپنیک 10ہزار میگاواٹ بجلی نا ڈٹ آتا بروخت پوروی کن دے ونن خواری کننگ ئُ۔ چین نا کمپنیک ٹرانسمیشن و ڈسٹری بیوشنز لائنز نا گچینی کن ہم کاریم کننگ ئُ ۔ اوپارے کہ چینی زرکارآتے کن پاکستان اٹی معدنیات ، کشت و کشار، انفراسٹرکچر ، ٹیکنالوجی ، و صنعت آتا بشخ آتیٹی پرکشش گمان آک ساڑی اریر ، چینی آزموندہ و ٹیکنالوجی و پاکستان نا محل ووقوع و کم پیداواری خڑچ اواری اٹ اقتصادی انقلاب ہتنگ کیرہ۔ اوپارے کہ راہداری ڈٹ بلوچستان و ملک انا معاشی شون نا زینہ ئِ، ملک اٹی امن و ایمنی نا حالیت آتیٹی پدریسہ گچینی اتون درملکی زرکار آک پاکستان آ مون کننگ ئُ۔