اسلام آباد مری ایکسپریس وے ئِ کوہالہ تون ملفنگ کن اونا عمل نا قابل مننگ نا جاچ و سرجم ڈیزائن آ کاریم شروع ئِ
اسلام آباد۔ 12اگست (اے پی پی) بنجائی وزیر شیخ آفتاب احمد قومی اسمبلی ئِ پارینے کہ اسلام آباد مری ایکسپریس وے ئِ کوہالہ تون ملفنگ کن اونا عمل نا قابل مننگ نا جاچ و سرجم ڈیزائن آ کاریم نا بنائِ کننگانے، فنڈز انا دوئی و پی سی ون انا منظوری آن گڈ اونا پوروی مسہ سال اٹی مننگ نا اومیت ارے۔ جمعہ آ قومی اسمبلی ٹی وقفہ سوج آتا وخت آ ساجدہ بیگم نا سوج انا ورندی ٹی وزیر مواصلات نا کنڈآن شیخ آفتاب احمد ایوان ئِ پارے کہ اسلام آباد مری ایکسپریس وے ئِ کوہالہ تون ملفنگ کن چیجانہ و پری بانڈی ایکسپریس وے نا عمل نا قابل مننگ نا جاچ و سرجم ڈیزائن آ کاریم نا بنا کننگانے۔ مجوزہ لوئر ٹوپہ کوہالہ ایکسپریس وے براستہ چیجانہ 48 کلومیٹر دوہری کیرج ووے انا ودکی مریک۔ پی سی ون نا منظوری آن گڈ زرانا دستیاب مننگ آ دا ڈٹ مسہ سال انا وخت اٹی پورو کننگک۔

متعلقہ مضامینمصنف کی طرف سے مزید