پاکستان اٹی داوخت پٹرولیم مصنوعات آتا نرخ آک ایلو ملک آتا مقابلہ ٹی بے کچ کم ئُ ، ای 10 ئِ درستی راستی کرفنگ نا ہچ ئُ سلاہ اس غورا ٹی اف
اسلام آباد۔ 12اگست (اے پی پی) بنجائی وزیر پٹرولیم و قدرتی وسیلہ شاہد خاقان عباسی پارینے کہ پاکستان اٹی داوخت آ پٹرولیم مصنوعات آتا نرخ آک ایلو ملک آتا مقابلہ ٹی بے کچ کم ئُ، ای 10 ئِ درستی راستی کرفنگ نا ہچ ئُ سلاہ اس غورا ٹی اف۔ جمعہ آ قومی اسمبلی ٹی وقفہ سوج آتا وخت آ شکیلہ لقمان نا سوج انا ورندی ٹی وزیر پٹرولیم و قدرتی وسیلہ شاہد خاقان عباسی پارے کہ داوخت ای 10 ئِ درستی راستی کرفنگ نا ہچ ئُ سلاہ اس حکومت نا غوراٹی اف، اونامانگ و دستیابی افک اونا نرخ آک ہم پٹرول نا ہی بریبر ئُ، نن ولدا ہم دابارواٹی سلاہ تے ہرینہ۔ حکومت نا گام گیج آتیٹی ملک اٹی پٹرول بے کچ کم نرخ آ دستیاب ئِ۔ شکیلہ لقمان نا اسہ پین سوج اسے نا ورندی ٹی اوپارے کہ خیسن و تانبہ نا کوڑی آن بنجا نا تعلق اف دا صوبہ غاتا دنگ اٹی بریک۔ اوڑکن پٹہ غا گرانٹ کن ایگزیکٹو اتھارٹی صوبہ غاتا اختیار ئِ۔
