اسلام آباد۔ 12اگست (اے پی پی) بلوچستان اٹی واقع اوغان پناہ گزین آتا کیمپ آتیٹی انسداد پولیو مہم 15اگست آن 22اگست اسکان برجاءسلک۔ نجی ٹیلی ویژن نا رداٹ کوآرڈینیٹر ایمر جنسی آپریشن سینٹر برائے انسداد پولیو ڈاکٹر سید سیف الرحمان پار ے کہ بلوچستان اٹی اوغان پناہ گزین آتا کیمپ آتیٹی پولیو آن بچفنگ نا پڑی کنفنگک۔ دامہم نا وخت آ ضلع چاغی ٹی اڈ ہلوک اوغان مہاجر کیمپ آتیٹی 4آن 23توانا 6ہزار 830 مہاجر چناتے پڑی کنفنگک۔ ڈاکٹر سید سیف الرحمان پارے کہ چاغی ٹی اوغان مہاجر آتا چار بھلو کیمپ ئُ ہراڑے ویکسین کنفنگک۔ اوپارے کہ مچ آ صوبہ ٹی 32ٹرانزٹ پوائنٹس ہم اڈ تننگانے ہرافتے آن پنچ ٹرانزٹ پوائنٹس پاک اوغان سیمی علاقہ غاتیٹی ئُ۔ یات سلے کہ مہاجر کیمپ آتیٹی انسداد پولیو مہم 15آن 22اگست اسکان برجاءسلک۔
