اسلام آباد۔ 12اگست (اے پی پی) مسکوہی سفیر خالد سلیم پارینے کہ چین ئِ ڈیہہ ٹی امن نا اڈتننگ کن تینا کڑد ئِ ادا کننگ نا گرج ئِ۔ ریڈیو پاکستان تون ہیت وگپ کرسا اوپارے کہ پاکستان ئِ نزور کننگ کن بھاز انگا واک آک براہ راست یا بلواسطہ کوشست کننگ ئُ واہم پاکستان مسلم لیگ نا ساڑی آ حکومت اوفتے تینا مسخت آتیٹی سرسہب مننگ کن ہلیپسہ ۔ اوپارے کہ ساڑی آ حکومت خواہک کہ او اوغانستان و بھارت تون اوار ڈیہہ نا غٹ ملک آتون گچین تعلقداریک مریر ۔ اوپارے کہ پاکستان بھارت تون غٹ تر ویل آتے مذاکرات نا کمک اٹ ایسر کننگ نا خواہش مند ئِ۔ اوپارے کہ پاکستان ہمیش تعلقداری تا گچین نا ایجنڈہ غا کاریم کرینے و دنیا ہم اونا کوشست آتے خراج تحسین پیش کرینے۔ خالد سلیم پارے کہ چین ڈیہہ نا اہم ملک ئِ و اودے مرے کہ او ڈیہہ ٹی امن نا اڈتننگ کن تینا کڑد ئِ ادا کے۔
