اسلام آباد۔ 12اگست (اے پی پی) پاکستان مسلم لیگ (ن) نا سینیٹر جاوید عباسی پارینے کہ سیکورٹی فورسزآک زیات علاقہ غاتے دہشت گرد پسند آتیان پاک کرفینو۔ ریڈیو پاکستان تون ہیت وگپ کرسا اوپارے کہ پشاور آرمی پبلک اسکول واقعہ آن گڈ نیشنل ایکشن پلان غٹ سیاسی جماعت آتا تین پہ تین نا امنائی آن تیار کننگاسس۔ اوپارے کہ نیشنل ایکشن پلان آ عملدرآمد صوبائی و بنجائی حکومت آتا زمہ واری ئِ۔ سیکورٹی نا حالیت آتاجاچ ئِ ہلنگ کن سپریم کمیٹی نا دیوان غٹ صوبہ غاتیٹی وقفہ وقفہ اٹ اڈ تننگک۔ سینیٹر جاوید عباسی پارے کہ نیشنل ایکشن پلان آ پورو عملدرآمد اٹی گڑاس وخت لگک۔ اوپارے کہ سیکورٹی فورسز آک دہشت گردی نا برخلاف جنگ انا وخت آ بھاز قربانی تسنو، فورسز آتاگچین کارروائی تا نتیجہ ٹی بھاز انگا علاقہ غاتے دہشت گرد آتیان پاک کرفنگانے۔ اوپارے کہ سیکورٹی فورسز آک ہموعلاقہ غاتے ٹی دہشت گرد آتا دُوارہ پترینگ انگ نا توننگ ئِ باوری جوڑ کننگ کن غٹ گام گیج آتے کرینو و بھاز زوت دہشت گرد آتا کمکار و مالی وسیلہ تروک آتے ہم اوفتا کروک نا سزا تننگک۔
