اسلام آباد۔ 11اگست (اے پی پی) مسلم لیگ (ن) نا راہشون باسک قومی اسمبلی طلال چوہدری پارینے کہ کوئٹہ نا واقعہ آن گڈ غٹ انا موقف اسٹ ئِ کہ ملک آن دہشت گردی نا خاتمہ ئِ کروئی ئِ۔ کس اسے تون گچین پالیسی ارے تو پارلیمنٹ اٹی اوفتے اتیر۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ سانحہ کوئٹہ آن گڈ غٹ انا موقف اسٹ ئِ کہ ملک آن دہشت گردی نا خاتمہ ئِ کروئی ئِ۔ دہشت گردی نا برخلاف جاری آپریشن و امن وایمنی نا گچینی نا کریڈٹ سیاسی جماعت و قومی ادارہ غاتے ملک۔ ہندن ئُ کاریم اس کننگپ ہراڑآن دژمن تے فائدہ رسینگے۔ اوپارے کہ ملک اٹی دہشت گردی نا چٹفنگ کن اگہ کس اسے تون گچین پالیسی ارے تو اوفتے پارلیمنٹ اٹی اتیر۔
