اسلام آباد۔ 11اگست (اے پی پی) قومی وطن پارٹی نا سروک باسک قومی اسمبلی آفتاب احمد خان شیر پاﺅ پارینے کہ نیشنل ایکشن پلان آ عملدرآمد سست روی نا گواچی ئِ۔ بیست ٹک آتیا عمل مسکہ تو داوڑنا واقعہ غاک متوسہ ، اودیم ادارہ غاتے اسہ ایلو تون رابطہ کننگ نا گرج ئِ۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ آرمی پبلک اسکول نا واقعہ آن گڈ نیشنل ایکشن پلان وجود اٹی بس اگہ نیشنل ایکشن پلان نا بیست ٹک آتیا عملدرآمد مسکہ تو سانحہ کوئٹہ کون آ واقعہ مون آ بتوکہ۔ مدرسہ ریفارمز و نیکٹا غا ہچ ئُ کاریم اس متو وخت اس کہ فاٹا نا بابت آن ہم کاریم کننگ نا گرج ئِ۔ آفتاب شیر پاﺅ پارے کہ نیشنل ایکشن پلان آ عملدرآمد سست روی نا گواچی ئِ دابابت حکومت ئِ تینا غلطی و نزوری تے امنا کروئی مریک ہراوخت اسکان نیشنل ایکشن پلان آسختی اٹ عملدرآمد کرفنگ نا گرج ئِ۔ اوپارے کہ اودیم ادارہ غاتا نیام اٹ دہشت گردی نا چٹفنگ کن گچین رابطہ غاتا گرج ئِ تانکہ ملک آن دہشت گردی نا خاتمہ ئِ کننگ مرے۔ اوپارے کہ قطبی وزیرستان اٹی آپریشن نا سوب دہشت گرد آک خوفزدہ ئسر، ننے تینا نزوری تے درست کروئی مریک۔ نیشنل ایکشن پلان ئِ ری ویزٹ کننگے و خامی تے مر کننگ مرے۔
