اسلا م آباد۔ 11اگست (اے پی پی) اسپیکر قومی اسمبلی سردارایاز صادق وقفہ سوج آتا وخت آ وزارت واپارو وزارت خارجہ امور نا بڑزکو افسر آتا ساڑی مفننگ نا سخت نوٹس ئِ ہلسا اوفتا برخلاف کارروائی کننگ نا عندیہ تسنے وخت اس کہ وزارت خارجہ نا سیکرٹری و اسپیشل سیکرٹری نا خوائفنگ نا باوجود ایوان اٹی بفننگ آ ہموڑے ساڑی آفیسر آتے ہم گیلری آن کشا۔ پنچ شنبے آ قومی اسمبلی ٹی وقفہ سوج آتا وخت آ وزارت واپار و وزارت خارجہ نا بڑزکو افسر آتا ساڑی مفننگ نا نوٹس ئِ ہلسا اسپیکر داوزارت آتا بڑزکو کمامدار آتے طلب کرے وخت اس کہ داحالیت آتانوٹسئِ ہلنگ نا حکومت ئِ پارت کرے۔ اسپیکر وزارت واپار نا سیکرٹری تون پارے کہ نی پاریسن کہ تینا اختہ ہی تا سوب آن ایڈیشنل سیکرٹری ئِ موکل تسوسس اگہ نی زیات اختہ ئس و داڑے بننگ کپیسہ تو کنے پاہ ای نا پی اے وڑاٹ اودے ورندی ایتیو۔ اواونا نوشتہی ورندی ئِ طلب کرسا پارے کہ او دا ڑآ سنجیدہ ئِ و وزیراعظم ئِ دابارواٹ لکھنگ کینہ۔ اوسیکرٹری واپار تون پارے کہ او پارلیمنٹ ئِ سنجیدگی اٹ ہلپسہ ہنداخاطران نی وقفہ سوج آتا چٹفنگ اسکان داڑے تول۔ دفترخارجہ نا سیکرٹری یا اسپیشل سیکرٹری بفننگ نا نوٹس ئِ ہلسا اسپیکر پارے کہ او تینا اختہ مننگ نا پائِ ۔ او وزارت خارجہ نا بڑزکو افسر آتا ساڑی مفننگ اٹی ساڑی آفسر آتے کشا و اوفتے پارت کرے کہ ہنبو سیکرٹری یا اسپیشل سیکرٹری ئِ ہتبو۔
