اسلام آباد۔ 11اگست (اے پی پی) بنجائی وزیر واپار خرم دستگیر پارے کہ ہینڈی کرافٹ آن تعلقدار ایسوسی ایشن آتے فنڈز تننگ کن تیار اُن، دارداٹ باسک آک ہم کمک کیر، بروک آدے تیٹی ای کامرس ئِ درستی راستی کرفنگ انگ ئِ ہراڑآن ہینڈی کرافٹ اسکان جہانی رسائی مریک۔ پاکستان نا وویمن ریڈی میڈگارمنٹس آتا برآمدات آتیٹی نمان ودکی مسنے ہرافتا غٹ آن بھلا ہلوک آ امریکہ ئِ۔ پنچ شنبے آ قومی اسمبلی ٹی وقفہ سوج آتا وخت آ شکیلہ لقمان نا سوج انا ورندی ٹی وزیر واپار خرم دستگیر پارے کہ اسہ ہنر اسہ نگر نا رداٹ 28 ہزار ہنر مند آتے تربیت تننگانے۔ ہینڈی کرافٹ نا برآمدات آتے ٹی ودکی مسنے۔ امریکہ ئِ 2013-14ءٹی 708 ملین، 2014-15ٹی پنچ گناودکی مسنے۔ 3.88 اسکان سرمسنے۔ جرمنی ’یوکے‘ آسٹریلیا ٹی ہم اوٹی ودکی مسنے۔ بروک آدے تیٹی ای کامرس نا بننگ آن ہینڈی کرافٹ نا بشخ اٹی گچینی بریک۔ شہریار آفریدی نا سوج انا ورندی ٹی اوپارے کہ نن ہر چار آصوبہ غاتیٹی ہینڈی کرافٹ نا ادارہ غاتے فنڈنگ کرینن۔ اگہ ہندن ئُ ایسوسی ایشن اس ارے تو اونا بارواٹی معلومدار کیر۔ ننتون وسیلہ ارے ۔ نیاڑی تے تربیت تروک آ ایسوسی ایشن آتے اتیر ننے آ بریر۔ حکومت فنڈز فراوان کیک۔ اوپارے کہ 938 آئٹم پاکستان نا حساس فہرست اٹی ئِ۔ اوغانستان نا850 گڑاتا لسٹ ئِ۔ پاکستان اوغانستان ہڑتوم آ ساﺅتھ ایشیا فری ٹریڈ ایگریمنٹ نا باسک ئِ۔ 16گڑاتیا ایم ایف این بنداو آ محصول نا کچ صفر ئِ۔ حساس فہرست مچ آ سارک ریجن نا ملک آتون ئِ۔ مسکوہی سال 39 لکھ ڈالر ہینڈی کرافٹ دوئی کرے۔ امریکہ اولیکو، جرمنی ارٹ میکو، یو کے مسٹ میکو نمبر آٹی ئِ۔ داملک آتیٹی کھپت زیات ئِ۔
