اسلام آباد۔ 11اگست (اے پی پی) مسکوہی وزیر داخلہ سینیٹر رحمان ملک پارینے کہ اوغان مہاجر آتے ٹاسک فور جوڑ کرسا ملک آن بایدے کشنگے ہرادہشت گردی تون اوار ایلو ڈوہ تیٹی اوارو۔ سانحہ کوئٹہ بھارت و اوغانستان نا گٹھ جوڑ سجفوک ئُ ڈٹ اس ئس۔ لشکر جھنگوی تون اوار کالعدم تنظیم آتا برخلاف کارروائی کننگے۔ وزیراعظم آن خواست ئِ کہ نیشنل ایکشن پلان نیکٹا نا زمہ واری ئِ تینٹ سنبھالے۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ سانحہ کوئٹہ بھارت و اوغانستان نا گٹھ جوڑ ، سجفوک ڈٹ اس ئس ، ڈٹ انا رداٹ انور کاسی نا نت تیٹی سم تے خلنگا ہراتم اودے ہسپتال آ اتنگا تو دھماکہ مس جوان انگا وکیل آتے نشانہ جوڑ کننگا۔ پنجا سال اٹی اسہ وکیل اس جوڑ مریک و اوفتے ٹی وکلاءعدالت آتیٹی دہشت گردی نا بابت مقدمہ غاتے ٹی بشخ ہلوئی مریک ہرا دہشت گرد آتا برخلاف مقدمہ غاتے کریرہ۔ اوپارے کہ بھارت و اوغانستان پاکسان نا وخت اس ہم سنگت مننگ کپک اگہ کس اسے دابابت آن شق ارے تو کنا سینیٹ اٹی پنچ گھنٹہ نا احوال ئِ بایدے ہریر ۔ رحمان ملک پارے کہ حکومت لشکر جھنگوی تون اوار کالعدم تنظیم تا برخلاف کارروائی کے۔ وزیراعظم آن نیشنل ایکشن پلان آ عملدرآمد و نیکٹا ئِ فعال جوڑ کننگ نا بابت خواست کریسن کہ او دابابت زمہ واری تے تینٹ سنبھالے تو کنے خوشی مریک کہ کنا خواست آ وزیراعظم جوان ئُ فیصلہ اس کرے۔ سینیٹر رحمان ملک پارے کہ پاکستان اٹی ساڑی اوغان مہاجر آتے ٹاسک فورس جوڑ کرسا بایدے ملک آن کشنگے ہرا دہشت گردی تون اوار کیہی ڈوہ تیٹی اوارو۔ ملک نازرک حالیت آتیان گدرینگ انگ ئِ ۔ اوپارے کہ مچ آ ملک اٹی آپریشن ضرب عضب آمبار دہشت گردآتا برخلاف آپریشن نا بنائِ کننگے کہ ملک ئِ دہشت گردی نا لعنت آن نجات ترفنگے۔
