اسلام آباد۔ 11اگست (اے پی پی) بنجائی وزیر ہاﺅسنگ و تعمیرات اکرم خان درانی پارینے کہ نیشنل ایکشن پلان آن گڈ دہشت گرد آک ہم تینا حکمت عملی ئِ بدلیفینو ۔ ساڑی آ حالیت آتا نتیجہ ٹی قومی ادارہ سلنگ نا گرج ئِ۔ بریفنگ نا حد اسکان پارلیمنٹ اٹی بٹنگ انگ مریک، حکومت پانامہ نا بابت آزاد کمیشن اس جوڑ کننگ آن روگردانی کتو۔ اپوزیشن ئِ اوار تولنگ ناگرج ئِ۔ پنچ شنبے آ پارلیمنٹ ہاﺅس ناپیشن میڈیا تون ہیت وگپ کرسا اوپارے کہ غٹ سیاسی جماعت آک اسیجائی وڑاٹ نیشنل ایکشن پلان تون تفر ہراوخت آن نیشنل ایکشن پلان وجود اٹی بسنے اوکان گڈ انا حالیت آک بھلو حد اسسکان گچین مسنو، اودیم ادارہ غاتے ہرا واک آتے تننگانے اوفتا خواری و کوشست آتیان دہشت گردی نا حد اسسکان مون ئِ توننگانے بیدس اوفتے داد تننگ آن داحالیت آتے ٹی اوفتے تون سلنگ نا اوفتے آ تنقید سہی اف ، تینا قومی ادارہ غاتے بریفنگ نا حد اسکان پارلیمنٹ اٹی خوائفنگ مریک۔ اسہ سوج اسے نا ورندی ٹی اوپارے کہ پانامہ پیپرز نا جاست و پاست نا بابت حکومت ہر وار اپوزیشنئِ ٹی او آر زنا بابت آن پارے کہ او برے و تینا ٹی او آرز ئِ مون آ تخے، ننے یکجہتی کن یکجا مرسا مون آ ہِننگ نا گرج ئِ ، اپوزیشن ئِ تینا خواست آتے ٹی لچک نشان تننگ نا گرج ئِ۔ اسہ پین سوج اسے نا ورندی اوپارے کہ 14 اگست آ صرف ملی ترانہ آخا داملک انا رکھ و شونہالی کن کاریم کیر۔
