اسلام آباد۔ 11اگست (اے پی پی) ایران تون گیس انا ہلنگ و بہاءکننگ آن بابت معاہدہ ٹی ترمیم کن مذاکراتی عمل جاری ئِ۔ معاملہ غاتے گڈیکو دروشم تننگک۔ وزارت پٹرولیم و قدرتی وسیلہ نا ذرائع نا رداٹ دا چرجوئی ٹی معاہدہ ٹی ترمیم نا اسہ مسودہ اس ایران نا حوالہ کننگانے وخت اس کہ گڑاس ایلو ترمیم آتے کن ہم اتفاق مسنے ۔ ایران آن 56انچ قطر نا گیس پیپ لین شاغنگک ہراڑآن پاکستان ئِ 750 ایم ایم سی ایف ڈی گیس دوئی مریک۔ ساڑی آ حکومت دا ڈٹ ئِ زوت پورو کننگ کن ایرانی کمامدار آتون ہیت و گپ نا بنائِ کرینے۔ ایران آ خلوک جہانی پابندی تا چٹفنگ آن پد ایران پاکستان گیس پیپ لین ڈٹ ئِ پورو کننگ نا کسر اٹی بروک آ اڑاند آک مر مسنو۔
