اسلام آباد۔ 09 اگست (اے پی پی) اسپیکر قومی اسمبلی سردار ایاز صادق سینئر پارلیمنٹ نا باسک آتے غدار پاننگ نا بابت پیمرا ئِ نوٹس ہلنگ نا پارت کرینے۔ سے شنبے آ قومی اسمبلی نا دیوان نا وخت آ وزیر ہاﺅسنگ اکرم خان درانی پارے کہ گڑاس ٹی وی چینلز آتا پروگرام آتیٹی اسہ جاچکار اس محمود خان اچکزئی ، مولانا فضل الرحمان و عاصمہ جہانگیر ئِ غدار پارے ، اسپیکر داپروگرام نا رپورٹ ئِ خوائفے۔ اگہ دا جاچکار تون داخلقت آتا غداری نا بابت ثبوت ارے تو اوفتے مون آاتے۔ اونا ورندی ٹی اسپیکر پارے کہ ہرا اینکرز و جاچکار آک اہم شخصیت آتیا دوبہ خلکونو وزیر اطلاعات و نشریات پیمرائِ پائے کہ اونا نوٹسئِ ہلے۔