کوئٹہ ٹی دہشت گردی بے کچ اندوہناک واقعہ اسے، سدباب کن فیصلہ غاتیٹی الس ئِ اوار کروئی مرے
اسلام آباد۔ 09 اگست (اے پی پی) پاکستان تحریک انصاف نا قومی اسمبلی نا باسک امجد علی خان پارینے کہ کوئٹہ ٹی دہشت گردی بے کچ اندوہناک واقعہ اسے، دننگا واقعہ غاتا سدباب کن فیصلہ غاتے ٹی الس ئِ اوار کروئی مرے۔ سے شنبے آ قومی اسمبلی نا دیوان اٹی سانحہ کوئٹہ غاشرہ نا بنائِ کرسا پی ٹی آئی نا باسک امجد علی خان پارے کہ سانحہ کوئٹہ بے کچ اندوہناک واقعہ اسے، دننگا واقعہ غاتا سدباب کن فیصلہ غاتیٹی ہراوخت اسکان الس ئِ اوار کپنہ نن لاش تے چست کرسا کینہ۔ اوپارے کہ بھارت پاکستان اٹی ہراکارروائی تیٹی اوار ئِ اودے دنیا نا مون آ تالان کننگ ناگرج ئِ و نیشنل ایکشن پلان آ اے پی سی نا فیصلہ غاتارداٹ عملدرآمد ئِ باوری جوڑ کننگے۔
