اسلام آباد۔ 09 اگست (اے پی پی) سینئر جاچکار ڈاکٹر محمودعلی پارینے کہ ملک آن دہشت گردی ئِ نیشنل ایکشن پلان نا کمک اٹ پوروی وڑاٹ چٹفنگ مریک۔ ریڈیو پاکستان تون ہیت وگپ کرسا اوپارے کہ دہشت گردی اسہ جہانی ئُ ویل اسے و مچ آ دنیا نا بھاز انگا ملک آتے داخلیس نا مون تروکی ئِ ۔ اوپارے کہ پاکستان دہشت گردی نا سوب بھاز بے وڑ زہمی مروک آ ملک آتیٹی اوارے۔ اوپارے کہ پاکستان دہشت گردی نا برخلاف جاری جنگ اٹی سد آ کارندہ و کودک خلقت آک قیمتی تے ندرکرینو۔ کوئٹہ نا سانحہ نا بابت اوپارے کہ داافسوزناک واقعہ ٹی ہم کودک خلقت آتے نشانہ جوڑ کننگانے ۔ ڈاکٹر محمود علی پارے کہ مچ آملک آن دہشت گردی ئِ نیشنل ایکشن پلان آ مناسب عملدرآمد تون ختم کننگ مریک۔ اوپارے کہ چیف آف آرمی اسٹاف و سول سروک آک آخریکو دہشت گردانا چٹفنگ اسکان آپریشن ئِ جاری تخنگ نا عزم انا درشانی ئِ کرینو۔
