وزارت خارجہ نا کنڈآن قومی اسمبلی ٹی ورندی
اسلام آباد۔ 03اگست (اے پی پی) وزارت خارجہ نا کنڈآن قومی اسمبلی ئِ پاننگانے کہ پاکستان نا کنڈآن پبی سفارتی کوشست آتیان بھارت نیو کلیئر سپلائر رڑاٹی اوار مننگ کتو، پاکستان داچرجوئی ٹی کاٹم ئِ شیف کپک۔ چارشنبے آ قومی اسمبلی نا دیوان اٹی وقفہ سوج آتاوخت آ ساجدہ بیگم نا سوج انا ورندی ٹی وزارت خارجہ نا کنڈآن بنجائی وزیر عبدالقادر بلوچ ایوان ئِ پارے کہ نیو کلیئر سپلائر رڑ اٹی اوار مننگ کن وزیراعظم ‘ سلاہکار خارجہ، خصوصی کمکار خارجہ امور، و کیہی ملک آتیٹی پاکستان نا سفیر آک دابابت لابنگ کرینو۔ داسوب آن پاکستان بھارت نا اوار مننگ نا درخواست آتیا پیش رفت ئِ فی الحال توننگانے۔ دادرست ئِ کہ امریکہ نا پالو بھارت نا کنڈآٹی ئِ و اونا موقف ئِ کہ داپاکستان نا قیمت آ اف اونا تینا علاقائی مفادات ئُ۔ داہیت آک لس ئُ کہ پاکستان این ایس جی نا باسک جوڑ مننگ کتو وخت اس کہ بھارت اونا باسک جوڑمریک واہم دا قیاس آرائی تیٹی ہچ ئُ راستکی اس اف۔ اوپارے کہ بھارت اونا باسک لسٹ اٹ سرسہب مننگ کتو، اوپارے کہ دابارواٹی باسک آتا صلاح نا خیر مقدم ئِ کینہ۔ اوپارے کہ پاکستان اسہ آجو ئُ ملک اسے ، نن سرنڈر کروک ئُ افن، پاکستان نا وزارت خارجہ و حکومت چوکس ئِ۔ داآسان اف کہ بھارت ئِ بروک آ دیوان اٹی این ایس جی نا ممبرشب ملک۔