سی پیک دنیا ٹی جاری غٹ آن بھلا شونداری ڈٹ ئِ ، اینخو نا سال انا ایسر اسکان راہداری آن ملک انا غٹ صوبہ غاتے اسہ وڑفائدہ ملنگ نا بناءمریک ، سریس، بھلن و رکھوک سڑک، توانائی نا ڈٹ ، انڈسٹریل پارکس و گوادر بندرگاہ نا ڈٹ سی پیک نا بشخ ئِ، پوروی دہشت گردی نا برخلاف جنگ آن زہمی پاکستان کن روشنا آخبت نا روشنی ئِ، بلوچستان و خیبر پختونخوا نا پسماندہ علاقہ غاتا الس کن شون نا پوسکن آ دور انا بنامریک

اسلام آباد۔ 03اگست(اے پی پی) پاک چین اقتصادی راہداری (سی پیک) ڈٹ دنیا ٹی جاری غٹ آن بھلا شونداری ڈٹ ئِ، 46ارب ڈالر مالیت نا داڈٹ پاکستان ئِ ترند رفتاراقتصادی شون نا کسر آ دیک، سریس، بھلن ، رکھوک سڑک، توانائی نا ڈٹ، انڈسٹریل پارکس و گوادر بندرگاہ نا ڈٹ سی پیک نا بشخ ئِ۔ پوروی دہشت گردی نا برخلاف جنگ آن زہمی پاکستان کن روشنا آخبت نا روشنی ئِ ، بلوچستان و خیبرپختونخوا نا پسماندہ علاقہ غاتا الس کن شون نا اسہ پوسکن ئُ دور اسینا بناءمریک۔ چارشنبے آ وزارت ڈٹ بندی و شون نا کمامدارآک اے پی پی ئِ پاریر کہ اینخو نا سال انا ایسر اسکان پاک چین اقتصادی راہداری آن ملک انا غٹ صوبہ غاتے اسہ وڑ فائدہ ملنگ نا بناءمریک، سی پیک نا گونڈ وختی ڈٹ 2018-2017 وخت اس کہ سریس وختی ڈٹ 2020ءآن 2030ءاسکان پورو مریرہ۔ اوپارے کہ پوروی مراحل نا وخت آ ہی روڈ و بجلی نا ڈٹ آتا فائدہ الس ئِ ملنگ ئِ ۔ کراچی نا بن قاسم پاورپلانٹ بروک آ سال انا ایسر اسکان بجلی نا پیداوار نا بنائِ کیک، کولاآن چلینگو ک آ 660 میگاواٹ نا 2پاور پلانٹس نا جوڑ جاڑ آن دوئی مروک آ 1320 میگاواٹ بجلی نظام اٹی بننگ آن شارٹ فال اسہ تہائی کم مریک۔ اوپاریر کہ قراقرم ہائی وے ئِ گچین جوڑ کننگ تون ایم فورنیشنل موٹروے آہم چینی انجینئرز آک دے و نن کاریم اٹی اختہ ئُ۔ ریل ویز و لائٹ ریلز نا اپ گریڈیشن ہم ہندا ڈٹ انا بشخ ئِ ۔ اوپاریر کہ ڈٹ انا محور گوادر ئِ ہراڑے سی پیک ڈٹ بحیرہ ہند اتون ملک، ہنداکان غٹ وسیلہ غاک پاکستان نا بنجاو دیکی چین آ کارہ۔ وخت اس کہ پاکستان و چین اٹی تیار مروک آ مال مچ آ دنیا ٹی گدریفنگک۔ گوادر اٹی فری ٹریڈ زون ، اسپیشل اکنامک زون، کوسٹل ہائی وے و بین الاقوامی بالی پٹ ہم پوروی نا مرحلہ غاتیٹی ئِ،ہنداوڑ 2013ءٹی بناءکروک آ دا ڈٹ گوادر ئِ مچھی ہلوک آتا خلق آن پوسکن ئُ شاراسے ٹی بدلیفک۔ اوپاریر کہ پاکستان نا چین اتون سیاسی تعلقداری سٹریٹجک اکنامک تعلقداری تیٹی بدل مسنے، اونا ننا شون و ڈیہہ نا آخبت آ مثبت زئم تمک۔ گوادر سی پیک نا گیٹ وے مریک۔ داہندا صدی نا بھلا موقع ئِ اودے زیان کننگ کپنہ۔ ڈیہہ نا مسہ ارب الس ئِ اونا فائدہ مریک۔ اوپاریر کہ ڈٹ انا رداٹ واپاری بنجاءاڈتننگک ہراڑآن ملک انا معیشت سوگو مریک، ہندی مصنوعات آتا جہانی منڈی تسکان رسینگ ممکن مریک۔ ہندی آبادی نا اقتصادی حالیت پین گچین مریک وخت اس کہ رو زگار نا پوسکن ئُ وارخواہی ودی مننگ آن پاکستان ئِ ایشین ٹائیگر جوڑ کننگ نا تغ پورو مریک۔