پاکستان تحریک انصاف نا راہشون عارف علوی نا میڈیا تون ہیت وگپ
اسلام آباد۔ 03اگست (اے پی پی) پاکستان تحریک انصاف نا راہشون و باسک قومی اسمبلی عارف علوی پارینے کہ کراچی آپریشن ئِ تینا ایسری انجام اسکان سرکننگ کن رینجرز ئِ مچ آ سندھ اٹی آپریشن نا واک تننگ نا گرج ئِ۔ چارشنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ کشمیر نا ویل اسہ جہانی ئُ ویل اسے۔ اوپارے کہ بھارت مذاکرات نامیز آن نرنگ ئِ او داویل آ ہیت وگپ کپک مذاکرات تو درکنار ئِ۔ اسہ پین سوج اسینا ورندی ٹی اوپارے کہ کراچی آپریشن ئِ تینا ایسری انجام اسکان سرکننگ کن رینجرز ئِ مچ آ سندھ اٹی آپریشن نا واک تروئی مرے تانکہ ڈوہدار خلقت آتا مچ آ سندھ آن خاتمہ ئِ کننگ مرے دابابت رینجرز نا بھاز جوان ئُ آزموندہ اسے۔ رینجرز ڈوہدار بندغ آتا چٹفنگ کن سرگرم ئُ اوپارے کہ سندھ پولیس آ سیاسی دباﺅ ئِ کم کننگے و سندھ پولیس اٹی اصلاحات ہتنگ نا گرج ئِ۔
