اسلام آباد۔ 03اگست (اے پی پی) بنجائی وزیر امور کشمیر و گلگت بلتستان چوہدری برجیس طاہر پارینے کہ پاکستان نا بیست کروڑ الس نا است کشمیری تتون اوار دھڑکک۔ پاکستان کشمیر نا ویل آ ہچ ئُ سمجھوتہ اس کپک۔ کراچی آپریشن نا سوب سندھ انا حالیت آک مست آن جوان ئُ۔ چارشنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ کشمیر کل قوم انا ویل ئِ۔ بھارتی وزیر داخلہ نا بننگ آن کشمیر نا ویل آ پرخ اس تمیپک پاکستان کشمیر نا ویل آ ہچ ئُ سمجھوتہ اس کپک۔ اوپارے کہ پاکستان ہر فورم آ کشمیری تا سفارتی و اخلاقی مخ تفی ئِ برجاءتخک۔ اسہ سوج اسینا ورندی ٹی اوپارے کہ کراچی آپریشن آن مچ آ سندھ و خاص کر کراچی ناحالیت آک مست آن جوان مسنووزیراعلیٰ سندھ تینا ٹیم انا کیپٹن ئِ۔ سندھ انا حالیت آتے پین گچین جوڑ کننگ کن رینجرز نا واک آتے مچ آ سندھ اسکان ودیکی تننگ نا گرج ئِ۔
