اسلام آباد۔ 02اگست (اے پی پی) وزیراعظم محمد نواز شریف پارینے کہ حکومت ہر وڑنا خلیس آتا گچین دفاع و قومی سلامتی کن پاک بحریہ ئِ اسہ جدید سوگو فورس اس جوڑ کننگ کن ہروڑنا گام گیج چست کیک۔ اوداہیت ئِ پاک بحریہ نا سروک ایڈمرل محمد ذکاءاللہ تون سے شنبے آ ایوان وزیراعظم اٹی ہیت وگپ کرسا پارے۔ نیول چیف وزیراعظم ئِ پاک بحریہ نا کسبی معاملہ غاتیان بابت معلومدار کرے۔ اوپارے کہ پاکستان نیوی اہم میری ٹائم انفراسٹرکچر نا رکھ و ہروڑنا خلیس آتا برخلاف ملک انا دفاع ئِ باوری جوڑ کننگ کن تیار و جوان وڑاٹ لیس ئِ ۔ وزیراعظم محمد نواز شریف ملک انا سمندری دنگ انا رکھ اٹی پاک بحریہ نا کڑدانا ستائِ کرے۔ اوپارے کہ پاکستان نیوی نا دفاعی لائخیک قومی دفاع و سلامتی کن بے کچ اہمیت تخرہ۔
