اسلام آباد۔ 02اگست (اے پی پی) قومی اسمبلی ٹی نیاڑی تے ہند کار آ ہراساں کننگ آن رکھ(ترمیمی) بل پیش کننگا ہرادے مستی کارروائی کن تعلقدار کمیٹی نا حوالہ کننگا۔ سے شنبے آ قومی اسمبلی نا دیوان اٹی ڈاکٹر فوزیہ حمید تحریک پیش کرے کہ ہند کار آ نیاڑی تے ہراساں کننگ آن رکھ (ترمیمی ) بل ئِ پیش کننگ نا موکل تننگے۔ اوپارے کہ بل انا منظوری آن تعلیمی ادارہ غاک ہم اونا دنگ اٹی بریرہ و دابابت سزاتیٹی ہلوک آ ابہام ہم مر مریک۔ بنجائی وزیر کامران مائیکل پارے کہ بل ئِ کمیٹی نا حوالہ کننگ اٹی ہچ ئُ حرج اس اف ۔ ایوان آن موکل ملنگ آ ڈاکٹر فوزیہ حمید بل ئِ ایوان اٹی پیش کرے۔
