اسلام آباد۔ 27جولائی ( اے پی پی) صدر پاکستان مسلم لیگ (ن) مزن وزیر محمد نواز شریف ئِ سروکی ئَ آزاد کشمیر کانود سازی اسمبلی ئَ مزن گسی پارٹی ئِ اجلاس ئَ مسلم لیگ (ن) آزاد کشمیر ئِ صدر راجہ فاروق حیدر خان ئَ را آﺅکیں مزن وزیر ئِ ھاترءَ نامینتگ۔ مزن گسی پارٹی ئِ اجلاس چارشمبے ئِ روچئَ مزن وزیر گسئَ محمد نواز شریف ئِ سروکی ئَ بوتگ کہ ایشی ئِ تہا بنجاھی وزیر چوہدری نثار علی خان ، چوہدری محمد برجیس طاہر، مزن وزیرئِ ھاسیں کمک کار ڈاکٹر آصف کرمانی ، مسلم لیگ(ن) ئِ بنجاھی رہنما راجہ ظفر الحق، خیبر پختونخوا ئِ پیسرگیں سروزیر سردار مہتاب احمد خان ، مسلم لیگ(ن) ئِ بنجاھی نائب صدر ءُ آزاد کشمیر ئِ پیسرگیں مزن وزیر سردار سکندر حیات خانئَ ابید آزاد کشمیرکانود ساچ اسمبلی ئِ نوک گچین بوتگیں باسک ھوار بوتگ اَنت۔ اے موھءِ سرئَ آزاد کشمیر ئِ آﺅکیں مزن وزیر ئِ ارزشتئَ راجہ فاروق حیدر خانئَ ر انامینتگ۔ زانگ بہ بیت کہ 21جولائی ئَ بوتگیں آزاد کشمیر ئِ لس گچین کاری ئِ تہا مسلم لیگ (ن) ئَ 41سیٹ آنی تہا 31سیٹ ھاصل کتگ وھدے کہ یک سیٹے آئی ءِ منوکیں گل جموں کشمیر پیلز پارٹیئَ حاصل کتگ۔ مسلم لیگ (ن) ئَ را آزاد کشمیر ءَ گیشی رسیتگ۔
