سلاہ بندیں اُرد ءَ 6 ستمبر 1965 ءَ غیر معمولی شجاعت، بہادری ءُ قربانی ءِ گوما ماتیں وطن ءِ دیمپان کتگ، نائب مزن وزیر

اسلام آباد۔6ستمبر  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءَ گوشت کہ ما وتی سلاہ بندیں اُرد ءِ ھما بہادر ءُ بہادریں زھگ آناں گوں سک باز شرپ ءُ منت واری ءَ پیش کن ایں کہ آھاں ماتیں وطن ءِ دیمپان ءَ گوں غیر معمولی دلیری، بہادری ءُ قربانی ءَ 6ستمبر 1966 ءَ کتگ۔   راج ءِ ھاترا مدام پھر  ءُ الہام ءِ وسیلہ ءِ بستار ءَ مانیت۔ ما شہید  ءُ غازی آناں ھم شگر ءُ منت وار ایں ءُ پاکستان ءِ ھزمت ءَ آوانی بے دروریں قربانی ءِ پد ءَ آھانی ھاندان ءَ سلام پیش کن آں ۔ دیمپان ءُ شہیدانی روچ (6 ستمبر) ءِ موہ ءَ درئی کارانی وزارت ءَ گوں گپ ءُ تران کنان ءَ نائب مزن وزیر ءُ دری کارانی وزیر ایس محمد اسحاق دار ءَ گوشت کہ یک رندے پدا راستی ءِ جھد ءُ آپریشن ءِ وھد ءَ مئے سلاہ بندیں اُرداں پاکستان ءِ ھمراہ داری ءَ چہ لس مھلوک ءِ حمایت کتگ۔ ءُ فوجی شجاعت ءِ سرا نبشتہ کنت۔ مئے سلاہ بندیں اُرداں گوں جزم ءُ آجوئی ءَ وتی راجی جزم ءُ سرجمیں عزم ءِ پدا پدر کتگ کہ آ ملک ءِ حاکمیت ءُ سرزمین ءِ یکوئی ءِ دیمپان ءَ بہ کن انت ءُ ہر وڑیں تجاوزات ءِ سرا فیصلہ کنوکیں پسو ءَ بہ دنت۔ آئی ءَ گوشت کہ ما ناشرکاری ءِ ھلاپ ءَ جنگ ءَ ھاسیں رنگ ءَ بلوچستان ءُ خیبر پختونخوا ءَ وتی سیکورٹی فورسز ءُ کانود نافذ کنوکیں ادارگ آنی برجاھیں قربانی آناں ھم ساڑاھیں۔ پاکستان ءِ دل ءَ اے جزم اِنت کہ آ فتن الہندوستان ءُ فتنہ  ال خوارج ءَ سرجمی ءَ ھلاس بہ کنت کہ آ ھندی چیردستی ءَ سرگرم اَنت ءُ آئی ءِ امن ءُ مھکم ءُ دیمروئی ءَ را تاوان دیگ ءِ ھرچ کوشست ءَ ناکام بہ کنت۔ نائب مزن وزیر ءَ گوشت کہ پاکستان یک امن دوستیں راج ءِ بوھگ ءِ سوب ءَ امن ءُ ایمنی ءِ گوما نندگ، گپ ءُ تران ءُ کمک ءِ واستہ وتی جزم ءِ سر ءَ جزم انت۔ بلے جنوبی ایشیا جموں ءُ کشمیر ءِ تہ ءَ دائمی امن ءُ ایمنی ءِ ھاتر ءَ اقوام متحدہ ءِ سلامتی کونسل ءِ ھمگرنچیں قرارداد ءُ کشمیری اُلس ءِ واھشت آنی رد ءَ جیڈھ ءِ انصاف ءُ امن ءِ رنگ ءَ گیش ءُ گیوار کنگ ءِ سر ءَ بندوک اِنت۔ پاکستان کشمیری راج ءِ وت واجہی ءِ حق ءِ واستہ جائزیں جہد ءِ اخلاقی، سیاسی ءُ سفارتی کمک ءَ برجاہ دار ایت۔ آئی ءَ گوشت کہ اے وشیں روچ ءَ ما پاکستان ءِ وت واجہی، سرزمین ءِ یکوئی ءُ راجی سیت آنی رکھینگ ءِ واستہ وتی بے مٹیں جزم ءِ یک رندے پدا پدر کن ایں ۔ مئے شہیدانی ہمت، مئے سلاہ بندیں اُرد ءِ زور ءُ مئے راج ءِ جزم ءِ مستریں ضمانت انت کہ پاکستان ہر چیلنج ءَ گوں دلجمی، شرپ ءُ مھکمیں جزم ءَ دیم پہ دیم بیت۔