کلیں راج کیپٹن عبید  شہید  ءَ سلام  پیش کنت،  کہ آئی ءَ چاغی  ءَ ناشرکارانی ھلاپ ءَ بہادری ءَ گوں جنگ کتگ ڈاکٹر طارق فضل چوہدری

اسلام آباد۔1ستمبر  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گشتگ کہ بلوچستان ءِ دمگ چاغی  ءَ ناشرکارانی ھلاپ ءَ بہادری ءَ گوں جنگ کنوکیں کیپٹن عبید  ءِ شہادت ءِ سرا سک باز اپسوز انت۔ کلیں راج اے دلادریں بچ ءَ سلام انت کہ آئی ءَ پہ وطن ءِ دفاع ءُ امن ءِ واستہ وتی سر ندر کتگ ۔ سئے شمبے ءِ روچ ءَ وتی ’’ایکس‘‘ گشتانک ءِ تہ ءَ آئی ءَ گوشت کہ آپریشن ءِ تہ ءَ 18 ناشرکار آنی کوش مئے بہادریں سیکورٹی فورس آنی بے دروریں جزم، دلیری ءُ وت مہ وتی کمک ءِ یک پدریں گواہ انت۔ آئی ءَ گوشت کہ کیپٹن عبید  شہید ءِ گس ءِ مردم آں گوں دل ءِ جہلانکی ءَ دلپدردی ءِ درشانی کناں۔ اللہ تعالیٰ شہیدانی رُتبہ ءَ برز بہ کنت، غمگینیں ھانداناں صبر ءُ اوپار بہ دنت ءُ گرانیں وطن ءِ رکھینگ ءِ ھاترا زمہ واری داتگیں درستیں ارد آں  توان بہ دنت۔ آئی ءَ وتی ھیالداری ءُ ایمنی ءَ بہ دار اِت۔ ڈاکٹر طارق فضل چوہدری ءَ گوشت کہ شھید آنی قربانی مئے شان اِنت، سرجمیں راج پاکستان ءِ ایمنی، امن ءُ ایمنی ءِ واستہ بہادریں ارد  ءِ گوما ھمکوپگ  ءَ اوشتاتگ اَنت۔