پاک چین ءِ اسٹریٹجک شراکت داری ءِ آیوکیں بھر اقتصادی وت واجہی ءِ سرا بندوک بیت، احسن اقبال

اسلام آباد۔1ستمبر  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاک چین ءِ اسٹریٹجک شریکداری ءِ آیوکیں بھر برآمدات، نوکیں کشت ءُ کشاری ءُ زانشتی معیشت ءِ دیمروئی ءِ وسیلگ ءَ پاکستان ءَ را اقتصادی رد ءَ آزات جوڑ کنگ ءِ سر ءَ دلگوشی دیگ بیت۔ آئی ءَ گوشت کہ مزن وزیر محمد شہباز شریف ءِ چین ءِ تر ءُ تاب ءِ ساھت ءَ تپاک کتگیں پنچ سالی ایکشن پلان ءِ سر ءَ عمل درآمد ءِ یک سال ءِ سرجمی ءِ ھوالگ ءَ چار ءُ تپاسی دیوان ءَ پیشرفت ءِ سرجمیں چار ءُ تپاسی کنگ بیت۔ سی پیک-ایف زیڈ پی-دومی ءُ "اُڑان  پاکستان” ءِ چارچوب ملک ءِ صنعتی ءُ اقتصادی دیمروئی ءِ ھاسیں ستون اَنت۔ وفاقی وزیر ءَ گوشت کہ حکومت ورنا نسل ءَ را نوکیں آئی ٹی ءِ مہارت آنی گوما لیس کنگ ءِ ھوار نوکیں کشت ءُ کشاری نوآبادیاتی ءُ ٹیکنالوجی ءَ را دیمروئی دیگ ءِ سر ءَ ھاسیں دلگوشی دیگ ءَ انت۔ CHINO ءِ کمک ءَ یک ہزار ورنا نوکیں زرعی رھبند ءُ ٹیکنالوجی ءِ تربیت ءِ واستہ روان دیگ بوتگ انت کہ ایشی ءِ مول ءُ مراد موسمی بدلی ءِ اثرات ءِ دیم ءَ دارگ ءُ ملک ءَ ”سبزیں انقلاب 2.0“ ءِ بُن ھشت ایر کنگ انت۔ احسن اقبال ءَ گوشت کہ حکومت ءِ اولی ترجی برآمدات ءَ را ترندی ءَ گوں گیش کنگ ءُ ’’میڈ ان پاکستان‘‘ ءَ را یک فخر مندیں، معیاری ءُ جھان ءِ تک ءَ مقابلہ ءِ برانڈ جوڑ کنگ اِنت۔ اقتصادی وت واجہی ءِ استیں پڑ ءَ درستیں وزارت آناں ہدایت کنگ بوتگ کہ آ ٹھینگ بوتگیں ٹارگٹ آنی سر ءَ 10درسد عملدرآمد ءَ را سرجم بہ کن اَنت۔ پاکستان ءَ کھرب ڈالر ءِ معیشت جوڑ کنگ ءِ واستہ راجی دیمروئی ، سیاسی برجائی ءُ راجی یکوئی المی انت۔