اسلام آباد۔26اگست (اے پی پی): انسانی حقانی وفاقی وزیر سینیٹر اعظم نذیر تارڑ ءَ پمز ہسپتال ءَ نوک زھگ آنی بیرانی ءِ سر ءَ دلپدردی ءِ درشانی کتگ ءُ گوشت کہ نوک زھگ آنی بیرانی ءِ وئیل سک باز غمناک ءُ دل ءِ ٹپّی اِنت ءُ ما زھگ آنی مات ءُ پت ءُ کھول آنی سر ءَ دلپدردی ءِ درشان کن ایں ۔ وزارت انسانی حقانی نیمگ ءَ چہ جاڑی …
انسانی حقانی وفاقی وزیر سینیٹر اعظم نذیر تارڑ ءَ پمز ہسپتال ءَ نوزائیدگ ءِ بیرانی ءِ سرا غم ءِ درشانی
اسلام آباد۔26اگست (اے پی پی): انسانی حقانی وفاقی وزیر سینیٹر اعظم نذیر تارڑ ءَ پمز ہسپتال ءَ نوک زھگ آنی بیرانی ءِ سر ءَ دلپدردی ءِ درشانی کتگ ءُ گوشت کہ نوک زھگ آنی بیرانی ءِ وئیل سک باز غمناک ءُ دل ءِ ٹپّی اِنت ءُ ما زھگ آنی مات ءُ پت ءُ کھول آنی سر ءَ دلپدردی ءِ درشان کن ایں ۔ وزارت انسانی حقانی نیمگ ءَ چہ جاڑی بوتگیں بیان ءِ تہ ءَ وفاقی وزیر ءَ گوشت کہ اے غم ءِ ساھت ءَ ما غم ءِ آماچیں ھاندان آنی غم ءَ یک پیم ءَ بھر ءُ بانگ کن ایں ۔ وفاقی وزیر ءَ گوشت کہ وئیل ءِ سرجمیں سبب آنی پجارینگ المی اِنت۔ آئی ءَ گوشت کہ نادراھجاہ آنی تہ ءَ نوزائیدگ ءُ حساسیں نادراھ آنی جان سلامتی ءَ را دل یکیمی کنگ المی اِنت، نادراھجاھ آنی تہ ءَ آس روکی ءِ بندوبست آنی سر ءَ ھاسیں دلگوشی دیگ بہ بیت، ءُ ایمرجنسی ءِ وھد ءَ ترندیں ءُ جوانیں رنگ ءَ پسو دیگ بہ بیت۔ وفاقی وزیر ءَ ہدایت کت کہ اے وڑیں وئیل آنی گر ءُ دار ءِ واستہ سیکورٹی نظام ءَ را گیش موثر جوڑ کنگ بہ بیت۔ سینیٹر اعظم نذیر تارڑ ءَ دعا کت کہ اللہ تعالیٰ بیران بوتگیں زھگ آناں رحمت ءِ دائرہ ءَ مزنیں مقامے بہ دنت ءُ پش کپتگیں مات ءُ پت ءُ کھول ءِ مردماں صبر ءُ اوپار بہ دنت۔
