توانائی ءِ وفاقی وزیر ءَ پمز  ہسپتال ءَ آس روکی ءِ غمناکیں وئیل ءِ سر ءَ دلپدردی ءِ درشانی

اسلام آباد۔26اگست  (اے پی پی): توان ءِ وفاقی وزیر سردار اویس احمد خان لغاری ءَ پمز ہسپتال ءَ آس روکی ءِ غمناکیں وئیل ءِ سر ءَ دلپدردی ءِ درشانی کتگ ءُ گوشت کہ نوزائیدگ آنی بیرانی ءِ ھال بے دروریں دلپدردی ءِ گپ اِنت۔ چار شمبے ءِ روچ ءَ وزارت توانائی (پاور ڈویژن) ءِ نیمگ ءَ جاڑی بوتگیں بیان ءِ تہ ءَ وفاقی وزیر ءَ گوشت کہ بیران بوتگیں نوزائیدگ آنی مات ءُ پت ءُ کھول ءِ غم ءَ یک پیم ءَ شریک انت۔ وفاقی وزیر توانائی سردار اویس احمد خان لغاری ءَ دعا کت کہ اللہ تعالیٰ بیران بوتگیں نوزائیدگ آنی مات ءُ پت ءُ کھول ءَ را صبر ءُ اوپار بہ دنت۔ آئی ءَ گوشت کہ ٹپیگیں زھگ آنی زوت ءُ سرجمی ءَ جان سلامتی ءِ واستہ راج دعا لوٹ ایت۔