فرح ناز اکبر ءَ پمز ہسپتال ءِ نرسری ءَ 14 نونوک آنی ءِ بیرانی ءِ سرا غم ءِ درشانی

اسلام آباد۔26اگست  (اے پی پی): راجی اسمبلی ءِ باسک ءُ پاکستان مسلم لیگ ءِ زالبولانی محکمہ اسلام آباد ءِ صدر فرح ناز اکبر ءَ پمز ہسپتال ءِ ایم سی ایچ بلاک ءِ نرسری ءَ بوتگیں غمناکیں آس روکی ءِ وئیل ءَ 14 نوک زھگ آنی بیرانی ءِ سر ءَ دلپدردی ءُ رنج ءِ درشانی کتگ۔ فرح ناز اکبر ءَ وتی دلپدردی بیان ءِ تہ ءَ گوشت کہ پمز اسپتال ءِ نرسری ءَ بوتگیں غمناکیں آس روکی ءِ وئیل ءَ بے گناھیں نوزائیدگ آنی بیرانی سکیں غمناکیں ءُ دل ءِ ٹپوکیں وئیل اِنت۔ منی دل اے غمناکیں واقعہ ءَ چہ سک رنج اِنت ءُ من چہ آماچیں ھاندانانی غم ءُ اندوہ ءَ یک پیم ءَ شریک آں ۔ آئی ءَ گوشت کہ اے مات ءُ پت آنی واستہ ٹوھیں وئیل تلافی تاوان اِنت کہ آھاں وتی نزیکیں مردم گار کتگ اَنت۔ بے گناہیں زھگانی مات ءُ پت ءُ سیاد ءُ وارسانی غم ءِ جیڑگ ھم بے دروریں دل ءِ ٹُکّر اِنت۔ منی دل ءِ تہ ءَ ھمدردی گوں غم ءِ آماچیں ھانداناں اِنت۔ فرح ناز اکبر ءَ دعا کت کہ اللہ تعالیٰ بے گناہیں زھگاں کہ بیران بوتگ اَنت رحمت ءِ دائرہ ءَ مزنیں مقامے بہ دنت، آھانی مات ءُ پت ءُ سیاد ءُ وارساں اے ٹوھیں وئیل تلافی تاوان ءِ برداشت کنگ ءِ صبر ءُ اوپار بہ دنت ءُ ٹپیگاں زوت وش ءُ سلامت بہ کنت۔ آئی ءَ ھمگرنچیں واکدار آناں زور پر دات کہ آ اے وئیل ءِ سرجمیں ءُ شفافیں پٹ ءُ پول ءَ بہ کن اَنت تانکہ ایشی ءِ سبب آناں پجارینگ بہ بیت ءُ آیوکیں وھد ءَ اے وڑیں غمناکیں وئیل آنی گر ءُ دار ءِ واستہ موثر رکاوٹ ءِ گامگیج آناں دل یکیمی کنگ بہ بیت۔