بیلاروس ءِ سفیر ءَ وفاقی وزیر برائے تجارت ءَ گوں گند ءُ نند ، کمک ءَ را گیش مھکم کنگ ءِ  جزم ءِ درشان

اسلام آباد۔7اگست  (اے پی پی): بیلاروس ءِ سفیر آندرے میتیلیتسا ءَ وفاقی وزیر تجارت جام کمال خان ءَ گوں گند ءُ نند کت کہ آ دو نیمگی اقتصادی سیادی ءُ پاکستان ءُ بیلاروس ءِ یکجائی وزارتی کمیشن ءِ آیوکیں دیوان ءِ تیاری ءِ سر ءَ چار ءُ تپاسی بہ کنت۔ وزارت ءِ نیمگ ءَ چہ جاڑی بوتگیں بیان ءِ رد ءَ وفاقی وزیر تجارت ءُ بیلاروس ءِ سفیر ءَ دو نیمگی سیادی آنی تہ ءَ گیش بوھوکیں رپک ءِ سر ءَ وشھالی ءِ درشانی کتگ ءُ تجارتی، سرمایہ کاری ءُ صنعتی کمک ءَ را گیش مھکم کنگ ءِ واستہ وتی عزم ءِ پدر کنگ بوتگ۔ وفاقی وزیر برائے تجارت ءَ گوشت کہ پاکستان ءِ مزن وزیر ءُ بیلاروس ءِ صدر ءِ نیام ءَ دوستی ءِ سیادی ءَ چہ دو نیمگی سیادی گیش مھکم بوتگ انت۔ آئی ءَ گوشت کہ دوئیں ملک آنی سروک آنی وت مہ وتی تپاکی ءُ مُدامی رابطہ آنی سبب ءَ بازیں پڑ آنی تہ ءَ عملی کمک ءِ واستہ نوکیں راہ پچ بوتگ انت۔ گپ ءُ تران ءَ دوئیں ملک آنی تہ ءَ دو نیمگی تجارت ءِ آسراتی ءُ کاروبار آنی کمک ءِ واستہ عملی مالی بندوبست آنی سر ءَ ھم ھیال ریچی کنگ بوت۔ دوئیں نیمگاں اے گپ ءِ سر ءَ تپاک کت کہ سیادی داروکیں مالیاتی ادارگ ءُ تکنیکی ماہرین ءِ نیمگ ءَ چہ دمگی کرنسی نوٹ ءُ ایندگر متبادل بندوبست آنی ھواریں ایمن ءُ یکے دومی ءَ را منگ بوتگیں ادائیگی ءِ میکانزم ءِ ھوالگ ءَ شور ءُ سلاھ برجاہ بہ بنت۔ آئی ءَ گوشت کہ پاکستان ءُ بیلاروس ءِ نیام ءَ کشت ءُ کشاری، کود، انجینئرنگ پروڈکٹس، ٹریکٹر، بھاری مشینری، توانائی ءِ چیز ءُ وردن ءِ چیز آنی پڑ ءَ کمک ءِ ھاسیں موہ است انت۔ بیلاروس ءِ ڈل ءَ وفاقی وزیر ءَ را سرپدی دات کہ بیلاروس ءَ پاکستانی کارندہ آنی تہ ءَ کار کنوکیں پاکستانی کارندہ آنی تہ ءَ مزنیں کساسے ءَ گیشی بوتگ وھدیکہ ہنرمندیں کارندہ آنی لوٹ ءُ گزر ءِ تہ ءَ مدام گیشی بوھگ ءَ اِنت۔ دوئیں نیمگ ءَ پاکستانی کارندہ آنی واستہ روزگار ءِ موہ آناں گیش وسعت دیگ ءِ واستہ ساپ ءُ سلہ بھرتی، موزوں ہنر ءِ ہمگرنچ ءُ ادارگی رابطہ کاری ءَ را دیمروئی دیگ ءِ سر ءَ تپاک کنگ بوتگ۔ وفاقی وزیر برائے تجارت ءَ بیلاروس ءِ نوکیں انجینئرنگ ءُ صنعتی مشاورت ءِ پیداوار ءِ ھاسیں رنگ ءَ ٹریکٹر، ٹرک ءُ زرعی مشینری ءِ توسیپ کت ءُ اے شوبگ آنی تہ ءَ کم کم ءَ کمک ءِ بحال کنگ ءِ گامگیج چست کت۔ گند ءُ نند ءَ بیلاروس ءِ وزیر ءِ آیوکیں تر ءُ تاب ءُ یکجائی وزارتی کمیشن ءِ کارانی بابت ءَ ھم ھیال ریچی کنگ بوت۔ دوئیں نیمگاں اے گپ ءِ سر ءَ تپاک کت کہ آیوکیں رابطہ آناں عملی کمک ءَ را دیم ءَ برگ ، تجارتی ھوالگ ءَ جیڈھ آنی گیواری ءُ اقتصادی شریکداری ءِ نوکیں پڑ آنی پجارینگ ءِ واستہ سرجمی ءَ کارمرد کنگ بہ بیت۔