سول ایوارڈز ءِ نامینتگیں مردمانی گڈی چار ءُ تپاسی سرجم بوتگ، میرٹ اولی ترجی اِنت، احسن اقبال

اسلام آباد۔7اگست  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان سول ایوارڈز کمیٹی ءَ سائنس، وانگ ءُ زانگ، لبزانک، آرٹ ءُ سرکاری ھزمت ءِ پڑ ءَ راج ءِ واستہ جوانیں ھزمت کتگ آنی نامزدگی آنی سر ءَ گڈی چار ءُ تپاسی کتگ۔ پاکستان سول ایوارڈز کمیٹی ءِ سروکی ءِ ساھت ءَ آئی ءَ گوشت کہ حکومت ءِ اولی ترجی ھما راجی بامرد آناں پاکیں میرٹ ءِ بنیات ءَ شرپ دیگ بہ بیت ایشاں وتی پنت ءُ شون، محنت ءُ ازمت آنی وسیلگ ءَ سرجمیں دگنیا ءَ پاکستان نامدار کتگ۔ پروفیسر احسن اقبال ءَ گوشت کہ وھدے راج ءَ وتی راستیں جوڑ کنوک ءُ خیرخواہ آناں شرپ ءُ احترام داتگ گڈا اے پجار آیوکیں نسل آنی واستہ ملک ءِ ھزمت ءِ  جوزگ، دلبڈی ءُ دیمروئی ءِ یک جوانیںیں وسیلگ جوڑ بیت۔ آئی ءَ وتی جزم ءِ درشان کت کہ سول ایوارڈ آنی عمل سرجمیں ساپ ءُ سلہیت، انصاف ءُ مارکیٹ ءِ اصول آنی گوما برجاہ بیت تانکہ راجی ھزمت کنوکیں شرپداریں مردم آنی ھزمت آناں سرجمیں رنگ ءَ منگ بہ بیت۔