اسپیکر سردار ایاز صادق ءَ جنوبی وزیرستان ءُ دیر ءَ آپریشن ءِ وھد ءَ 10 درئی ناشرکار آنی   کوش ءِ سرا سیکورٹی فورسز ءَ را  توسیپ ءُ ستا

اسلام آباد۔7اگست  (اے پی پی): اسپیکر سردار ایاز صادق ءَ جنوبی وزیرستان ءُ دیر ءَ آپریشن ءِ وھد ءَ 10 درئی ناشرکار آنی  کوش ءِ پد ءَ سیکورٹی فورسز ءَ را شگر ءُ منت گپت۔ جمعہ ءِ روچ ءَ وتی بیان ءَ آئی ءَ سیکورٹی فورسز ءِ فوجی مہارت ءِ توسیپ کتگ ءُ گوشت کہ سیکورٹی فورسز ءَ وھد ءُ پاس ءِ سر ءَ جوانیں گامگیج زورگ ءَ ناشرکار آنی نا شریں منصوبگ آناں ناکام کتگ۔ ناشرکاری ءِ حلاف ءَ سیکورٹی فورسز ءِ قربانی ءُ سوبمندی سرجمیں راج ءِ واستہ فخر انت۔ ملک ءَ امن ءُ ایمنی ءِ برجائی ءِ واستہ فورسز سیکورٹی ءُ کانود ءِ نفاذ ءِ ادارگ آنی خدمت ستا کرز انت۔ سرجمیں راج ناشرکاری ءِ سرجمیں ھلاسی ءِ ھاترا وتی سیکورٹی فورسز ءِ ھمراھی ءَ اوشتاتگ۔ اسپیکر راجی اسمبلی ءَ ناشرکاری ءِ ھلاپ ءَ برجاھیں آپریشن آنی سوبمندی ءِ واستہ نیکیں واھگ آنی درشان کت ءُ گوشت کہ پاکستان ءِ امن ءَ را ڈگار جنوکیں ناشریں مردم آنی  مول ءُ مراد آنی تہ ءَ کدی سوبمند نہ بنت۔ اسپیکر سردار ایاز صادق ءَ ناشرکاری ءِ ھوپ  ءَ را سرجمی ءَ ھلاس کنگ ءِ راجی جزم ءِ  درشان۔