راجی مڈی ءُ دود ءُ ربیدگ ءِ وفاقی وزیر اورنگزیب خان کھچی ءَ جمعہ ءِ روچ ءَ پاکستان ءَ کزاکستان  ءِ سفیر یرژان کستافین  ءَ گوں وتی کارگس ءَ الوداعی گند ءُ نند

اسلام آباد۔7اگست  (اے پی پی): راجی مڈی ءُ دود ءُ ربیدگ ءِ وفاقی وزیر اورنگزیب خان کھچی ءَ جمعہ ءِ روچ ءَ پاکستان ءَ کزاکستان  ءِ سفیر یرژان کستافین  ءَ گوں وتی کارگس ءَ الوداعی گند ءُ نند کت۔ گند ءُ نند ءِ تہ پاکستان ءُ کزاکستان ءِ نیام ءَ دود ءُ ربیدگ، میراث، وانگ ءُ زانگ ءُ مردم ءِ نیام ءَ مردمی رابطہ ءِ شوبگ ءَ دو نیمگی کمک ءَ را گیش پراھی کنگ ءِ بابت ءَ حیال ءُ لیکہ درشان کت۔ وفاقی وزیر اورنگزیب خان کھچی  ءَ تر ءُ تاب ءِ بندات کنان ءَ پاکستان ءُ کزاکستان  ءِ نیام ءَ دود ءُ ربیدگ ءِ سیادی ءَ را دیمروئی دیگ ءِ واستہ آئی ءِ ازمت آناں ساڑات۔ آئی ءَ اے امیت سہرا کت کہ دوئیں ملک آنی نیام ءَ استیں کمک سفر ءِ برجاھی ءِ دور ءَ ھم ھمے جزبگ ءَ گوں برجاہ بیت۔ سفیر یرژان کستافان ءَ پاکستان، کزاکستان  ءُ میاں اوستمانی ملک آنی نیام ءَ راجدپتری، دود ءُ ربیدگی ءُ براتی سیادی آناں پدر کنان ءَ گوشت کہ اے مھکمیں سیادی آناں گیش سرگرم ءُ مھکم کنگ ءِ ضلورت اِنت۔ آئی ءَ امیت سہرا کت کہ آیوکیں سال ءَ پاکستان ءُ کزاکستان  ءِ نیام ءَ براہ راست بالی گراب بندات کنگ بنت ایشی ءَ چہ سیل ءُ سواد، تجارت ءُ دود ءُ ربیدگی تبادلہ ءَ را دیمروئی رسیت۔ آئی ءَ پاکستانی نودربر آنی واستہ قزاقستان ءِ نیمگ ءَ داتگیں اسکالرشپ آنی بابت ءَ ھم گپ جتگ۔ وفاقی وزیر ءَ گوشت کہ دوئیں ملک آنی نیمگ ءَ چہ بوتگیں تپاکی ءِ رد ءَ آیوکیں سال ءَ پاکستان ءِ مزن وزیر ءِ کزاکستان  ءِ متوقع تر ءُ تاب ءَ چہ دو نیمگی سیادی ءَ را گیش مھکم کنگ بیت ءُ کمک ءِ واستہ نوکیں موہ ھم پچ بنت۔ سفر ءَ وفاقی وزیر ءَ را ھال دات کہ کزاکستان  ءِ بنجاھی شہر آستانہ ءَ اوپیرا تھیٹر، بیلے تھیٹر ءُ نیشنل تھیٹر ءَ ھوار بازیں دگنیا ءِ نامداریں دود ءُ ربیدگ ءِ ادارگ ھست اَنت۔ آئی ءَ سوج دات کہ پاکستان ءِ مزن وزیر ءِ متوقع تر ءُ تاب ءِ موہ ءَ دوئیں ملک آنی ازمکار آنی نیمگ ءَ یکجائی دود ءُ ربیدگ ءِ پرفارمنس ءِ برجم دارگ بہ بیت کہ پاکستان ءُ کزاکستان  ءِ نیام ءَ مھکمیں دود ءُ ربیدگ ءِ شری داری ءِ علامت جوڑ بیت۔ آئی ءَ وفاقی وزیر ءُ آئی ءِ ڈل ءَ را دود ءُ ربیدگی کمک ءِ نوکیں امکانات آناں پٹ ءُ پول کنگ ءِ واستہ کزاکستان  ءِ تر ءُ تاب ءِ دعوت ھم دات۔ وفاقی وزیر اورنگزیب خان کھیچی ءَ پاکستان ءِ مردم آنی نیام ءَ رابطہ ءُ دود ءُ ربیدگی سفارتکاری ءِ دیمروئی ءِ واستہ پاکستان ءِ جزم ءِ پدر کنگ ءَ گوشت کہ راجی مڈی ءُ دود ءُ ربیدگ ءِ ڈویژن ءُ ایشی ءَ گوں سیادی داروکیں ادارگ ھاسیں رنگ ءَ لوک ویرسا ءِ تہ ءَ کزاکستان  ءِ سفارتخانہ ءِ گوما نزیکی ءَ کمک کنگ ءَ برجاہ دار ایت۔ پاکستان ءِ مزن وزیر ءِ رہشونی ءَ چہ دیم ءَ اتکگ۔ وفاقی وزیر ءَ سفیر ءَ را گوشت کہ پاکستانی ثقافتی ڈل ءِ ھوالگ ءَ سفارشات منظوری دیگ بوتگ انت۔ اے ڈل ءِ تہ ءَ یک موسیقی ءِ استاد، یک پٹ ءُ پولکار ءُ دو کمپوزر ھوار بنت کہ آ ھم وانینگ ءِ آسراتی ءَ دیگ ءَ اَنت۔ آئی ءَ گوشت کہ پاکستان کزاکستان  ءِ نیمگ ءَ چہ باقاعدہ دعوت ءِ ودار ءَ انت تانکہ المی ئیں بندوبست کنگ بہ بیت۔ سفیر یرژان کاستافانی ءَ گوشت کہ کزاکستان  ءِ تہ ءَ دود ءُ ربیدگ ءِ کار آنی سر ءَ یک جامع یکجائی کارروائی منصوبگ ءِ است اِنت کہ اے یک جامع تریں منصوبگ ءِ تہ ءَ اِنت کہ قزاقستان ءَ گوں کجام ھم شریکیں ملک ءَ کتگ ءُ اے دوئیں ملک آنی دود ءُ ربیدگی کمک ءِ دیمروئی ءِ واستہ جزم ءِ درشان اِنت۔ وفاقی وزیر ءَ اے تجویز پیش کنان ءَ ھدایت کت کہ سیادی داروکیں ادارگ آنی گوما ترندیں رابطہ ءُ عملی گامگیج بندات کنگ بہ بنت تانکہ پاکستان ءِ مزن وزیر ءِ کزاکستان  ءِ متوقع تر ءُ تاب ءِ وھد ءَ اے منصوبگ آناں جوانیں رنگ ءَ سرجم کنگ بہ بیت۔ وفاقی وزیر ءَ کزاکستان  ءِ ازمکار ءُ دود ءُ ربیدگ ءِ ڈل آناں پاکستان ءِ سالانہ دود ءُ ربیدگ ءِ میلہ لوک ملحاز ءَ بہر زورگ ءِ دعوت ھم داتگ۔ دعوت ءِ ساھت ءَ سفیر ءَ گوشت کہ کزاکستان  ءَ گوست ءَ ھم لوک ملحاز ءَ بھر زرتگ ءُ آیوکیں وھد ءَ اے دود ءُ ربیدگی تبادلہ ءَ را گیش پراھی کنگ ءِ واھشت مند اِنت۔ گند ءُ نند ءِ ساھت ءَ وفاقی وزیر اورنگزیب خان کھچی  ءَ کزاکستان  ءُ پاکستان ءِ زرباری دود ءُ ربیدگی مڈی ءِ سر ءَ ھاسیں نمائش ءِ برجائی ءِ ھم تجویز پیش کتگ۔ آئی ءَ گوشت کہ اے نمائش ءَ آثار قدیمہ، روایتی آرٹ، عکس ءُ آڈیو ویژوئل مواد ءِ وسیلگ ءَ پاکستان ءِ راجدپتر، جغرافیہ ءُ دود ءُ ربیدگی جد رنگی  ءَ را پدر کنگ بیت۔ آئی ءَ گوشت کہ اے نمائش ءَ چہ پاکستان ءَ را دگنیا ءِ دیم ءَ کوھنیں تہذیب آنی سرڈگار ءِ رنگ ءَ پیش کنگ بیت، ایشی ءِ تہ ءَ گندھارا تہذیب، سندھ وادی تہذیب، اسلامی تہذیب ءُ جتا جتائیں مذہب آنی دود ءُ ربیدگی مڈی ءَ را برجم دارگ بیت۔ سفرک یرژان کاستافانی ءَ اے تجویز ءِ توسیپ کت ءُ ایشی ءَ را جوانیں گامگیج لیک ات ءُ گوشت کہ ایشی ءَ چہ میاں اوستمانی براتی ءَ را پاکستان ءِ مزنیں دود ءُ ربیدگ ءِ مڈی ءَ گوں آشنا بوھگ ءِ موہ رس ایت ءُ دوئیں ملک آنی نیام ءَ دود ءُ ربیدگ ءِ یکوئی، دوستی ءُ وت مہ وتی سیادی ءَ را گیش مھکم کنگ بیت۔ گند ءُ نند ءِ گڈ ءَ دوئیں بامرد آں پاکستان ءُ کزاکستان  ءِ نیام ءَ دود ءُ ربیدگی کمک ءَ را گیش دیمروئی دیگ ءِ واستہ وتی جزم ءِ پدا زور دات ءُ یکجائی ایکشن پلان ءِ تہ ءَ ھواریں گامگیج آنی جوانیں رنگ ءَ عمل کنگ ءَ را دل یکیمی کنگ تانکہ دوئیں ملک آنی اُلس اے کمک ءَ چہ سرجمی ءَ سیت چست بہ کن اَنت۔