لاہور ۔1اگست (اے پی پی): مزن وزیر محمد شہباز شریف ءَ ضلع شمالی وزیرستان ءِ دمگ رزمک ءَ فتنہ الخوارج ناشرکار آنی ھلاپ ءَ سوبمندیں آپریشن ءِ پد ءَ سیکورٹی فورسز ءَ را توسیپ ءُ ستا پیش کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ آپریشن ءِ تہ ءَ فتنہ الخوارج ءِ 5 ناشرکار …
مزن وزیر شہباز شریف ءَ شمالی وزیرستان ءِ دمگ رزمک ءَ فتنہ الخوارج ءِ ناشرکارانی حلاف ءَ سوبمندیں آپریشن ءِ ھاتر ءَ سیکورٹی فورسز ءَ را توسیپ ءُ ستا
گیشتریں ھال
لاہور ۔1اگست (اے پی پی): مزن وزیر محمد شہباز شریف ءَ ضلع شمالی وزیرستان ءِ دمگ رزمک ءَ فتنہ الخوارج ناشرکار آنی ھلاپ ءَ سوبمندیں آپریشن ءِ پد ءَ سیکورٹی فورسز ءَ را توسیپ ءُ ستا پیش کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ آپریشن ءِ تہ ءَ فتنہ الخوارج ءِ 5 ناشرکار کشگ ءِ سر ءَ سیکورٹی فورسز ءِ توسیپ کتگ۔ مزن وزیر ءَ پاک اُرد ءِ میجر حافظ احسان الٰہی ءَ را توسیپ ءُ ستا پی کت، آئی ءَ آپریشن ءِ ساھت ءَ ناشرکار آنی ھلاپ ءَ بھادری ءَ گوں جنگ کتگ، شہید آنی صف آنی بُرز بوھگ ءِ واستہ دعا کتگ ءُ آھانی گس ءِ گوما دلپدردی ءِ درشانی کتگ۔ مزن وزیر ءَ گوشت کہ عزم استحکام ‘‘ ءِ وژن ءِ چیر دستی ءَ سیکورٹی فورسز ناشرکاری ءِ حلاف ءَ دراجیں سوبمندی سازگ ءَ انت۔ ما چہ ملک ءَ ھرچ وڑیں ناشرکاری ءِ سرجمی ءَ ھلاس کنگ ءِ ھاترا دلجم ایں۔
