ریلوے ءِ وفاقی وزیر محمد حنیف عباسی ءَ مزنیں سیاست دان ءُ راجی اسمبلی ءِ باسک ملک اقبال چنڑ  ءِ بیرانی ءِ سر ءَ دلپدردی ءُ رنج ءِ درشان

اسلام آباد۔1اگست  (اے پی پی): ریلوے ءِ وفاقی وزیر محمد حنیف عباسی ءَ پنجاب اسمبلی ءِ ڈپٹی اسپیکر ملک ظہر اقبال چنڑ  ءِ بیرانی ءِ سر ءَ سک باز دلپدردی ءُ رنج ءِ درشانی کتگ کہ آ سینئر سیاست دان ءُ راجی اسمبلی ءِ باسک ملک اقبال چنڑ  ءِ پت اِنت۔ آدینگ ءِ روچ ءَ وتی دلپدردی کلوہ ءِ تہ ءَ آئی ءَ گوشت کہ نمیرانیں ملک اقبال چنڑ  یک نظریاتی، دل سدیں ءُ شرپداریں چاگردی کارندہ ات آئی ءَ وتی زند الس ءِ ھزمت ءَ ندر کتگ ات۔ شمبے ءِ روچ ءَ وزارت ریلوے ءِ نیمگ ءَ جاڑی بوتگیں دلپدردی کلوہ ءِ تہ ءَ وفاقی وزیر ءَ گوشت کہ ملک اقبال چنڑ  ءِ بیرانی سرجمیں ملک ءِ واستہ مزنیں تاوان اِنت۔ آئی ءَ گوشت کہ مرزا ءِ گوما آئی ءَ را دیریں سیادی بوتگ ءُ آ یک ساپ دلیں سنگتے بوتگ، آئی ءِ ھست بوھگ مدام محسوس کنگ بیت۔ محمد حنیف عباسی ءَ پنجاب اسمبلی ءِ ڈپٹی اسپیکر ملک ظہر اقبال چنڑ ، آئی ءِ کھول ءُ سیاد ءُ وارسانی گوما دلپدردی ءِ درشانی کتگ۔ آئی ءَ دلپدردی ءِ درشان کنان ءَ دعا کت کہ اللہ تعالیٰ بیران بوتگیں مردم ءِ ارواح ءِ سر ءَ وتی ھاسیں فضل ءُ کرم ءَ بہ دنت ءُ آئی ءَ را بھشت ءَ بُرزیں مقامے بہ دنت۔ وفاقی وزیر ءَ گیش گوشت کہ اللہ تعالیٰ بیران بوتگیں مردم ءِ کھول ءَ را اے وئیل  ءِ برداشت کنگ ءِ ھمت بہ دنت۔