آپریشن شعبان ءِ تہا 114 درئی  ناشرکارانی کوش ءِ سبب ءَ سیکورٹی فورسز ءِ مزنیں پیشہ وارانہ لیکہ ءِ ثبوت انت، محسن نقوی

اسلام آباد۔13جولائی  (اے پی پی): وفاقی تہی کارانی وزیر محسن نقوی ءَ بلوچستان ءَ فتنہ ہندوستان ءِ ناشرکارانی ھلاپ ءَ سوبمندیں "آپریشن شعبان” ءِ ھاتر ءَ سیکورٹی فورسز ءَ را  توسیپ ءُ ستا کت۔ آئی ءَ پاک فوج، ایف سی بلوچستان ءُ پولیس ءِ یکجائی آپریشن ءِ تہ ءَ دگہ 5 درئی  ءِ کوش ءِ واستہ فورسز ءِ بہادری ءَ را سلام پیش کتگ۔ یک بیانے ءِ تہ ءَ محسن نقوی ءَ ناشرکار آنی حلاف ءَ موثر زمینی ءُ ھوائی آپریشن آنی واستہ سیکورٹی فورسز ءِ پیشہ وارانہ مہارت آنی توسیپ کتگ ءُ گوشت کہ فتنہ ہندوستان ءِ ناشرکار آناں مھروانیں وطن ءَ چہ سرجمی ءَ ھلاس کنگ ءَ تاں جنگ برجاہ مان ایت۔ آئی ءَ گوشت کہ ھما درندہ کہ بلوچستان ءِ امن ءَ کربند کتگ اَنت نوں سبق ءِ علامت جوڑ بوھگ ءَ اَنت، آ کہ بلوچستان ءِ سرڈگار ءِ سر ءَ بے گناہیں مردمانی ھون ریچوک اَنت آ ھچ وڑیں رعایت ءِ مستحق نہ اَنت۔ محسن نقوی ءَ گوشت کہ آپریشن شعبان ءُ ایندگر انٹیلی جنس ءِ سر ءَ بنیات ءِ آپریشن آنی تہ ءَ تاں انوگ ءَ 114خاورجی ناشرکار آنی کوش اے گپ ءِ پدریں ثبوت اِنت کہ مئے اُرد سک باز متحرک، پیشہ وارانہ ءُ ھوشیار اَنت۔ آئی ءَ اے جزم ءِ پدا زور دات کہ ناشرکاری ءِ ھلاپ ءَ اے جنگ ءَ سرجمیں راج وتی سیکورٹی فورسز ءِ ھمراھی ءَ اوشتاتگ۔