اقوام ءِ متحدہ ءِ سیکرٹری جنرل ءِ امیت وار   ایکواڈور ءَ گوں نائب مزن وزیر ءُ دری کارانی وزیر سینیٹر محمد اسحاق ڈار ءَ گند ءُ نند

اسلام آباد۔6جولائی (اے پی پی): ایکواڈور ءِ پیسریگیں درئی کارانی وزیر، اقوام متحدہ ءِ ادارُکی سیکرٹری جنرل ماریا فرنانڈا اسپینوزا ءَ سئے شمبے ءِ روچ ءَ نائب مزن وزیر ءُ درئی کارانی وزیر سینٹ محمد اسحاق ڈار ءَ گوں گند ءُ نند کت۔ گند ءُ نند ءِ ساھت ءَ نائب مزن وزیر ءُ دری کارانی وزیر ءَ اسپینوسہ ءَ را وش اتک کنان ءَ کثیر جہتی کمک ءَ را دیمروئی دیگ ءُ جھان ءِ کار آنی تہ ءَ اقوام متحدہ ءِ مرکزی کرد ءَ را گیش مھکم کنگ ءِ واستہ پاکستان ءِ مھکمیں کمک ءِ سر ءَ زور پر دات۔ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ آئی ءَ امیت درشان کتگ کہ آیوکیں اقوام متحدہ ءِ سیکرٹری جنرل ادارگ ءِ تہ ءَ سک باز لوٹوکیں اصلاحات آناں دیم ءَ بیار ایت۔ ءُ سلامتی کونسل ءِ دیریں قرارداد آنی ھاسیں رنگ ءَ فلسطین ءُ جموں ءُ کشمیر ءِ ھوالگ ءَ ھواریں قرارداد آنی جوانیں رنگ ءَ عمل کنگ ءَ را دل یکیمی کنت کہ میاں اوستمانی ءُ جنوبی ایشیا ءَ پائیدار امن ءِ واستہ سک باز المی انت۔ نائب مزن وزیر ءُ دری کارانی وزیر ءَ اے جزم ءِ ھم پدر کت کہ پاکستان اقوام متحدہ ءِ منشور ءِ مول ءُ مراد آنی دیمروئی ءِ تہ ءَ وتی کرد ءَ را برجاہ دار ایت، میاں اوستمانی کانود ءُ معاہدہ آنی احترام کنگ ءُ جھان ءِ امن، مھکم ءُ وشھالی ءِ واستہ میاں اوستمانی کمک ءَ را سرگرمیں رنگ ءَ دیم ءَ برگ ءِ واستہ وتی کرد ءَ پیلو کنت۔