اقتصادی اصلاحات ءُ جدید کنگ ءِ عمل ءِ تہا ٹیکنالوجی ءِ دیمروئی ءُ سرمایہ کاری ءِ وسیلگ آنی تنوع ءِ بنیاتی ارزشت ءِ است انت، وفاقی وزیر خزانہ محمد اورنگزیب انویسٹ پاک پورٹل ءِ بنگیج ءِ مراگش ءَ گوں تران

اسلام آباد۔6جولائی  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ اقتصادی اصلاحات ءُ نوکیں رنگ ءِ عمل ءِ تہ ٹیکنالوجی ءِ دیمروئی ءُ سرمایہ کاری وسیلگ آنی تنوع ءِ بنیاتی ارزشت ءِ واھند اِنت۔ انویسٹ پاک پورٹل ءِ بندات ءَ چہ خوردہ سرمایہ کار آنی واستہ گیش نوکیں ءُ آسان سرمایہ کاری ءِ موہ رس ایت۔ آئی ءَ اے گپ دو شمبے ءَ کراچی ءَ اسٹیٹ بینک آف پاکستان ءِ انویسٹ پاک پورٹل ءِ بنگیج ءِ مراگش ءَ گوں گشتانک دیان ءَ کت۔ وزیر ءِ ھزانگ ءَ گورنر اسٹیٹ بینک ءُ آئی ءِ سرجمیں ٹیم ءَ را پورٹل ءِ بندات ءِ سر ءَ مبارک بات دات ءُ گوشت کہ اے گامگیج ملک ءَ سرمایہ کاری ءِ نوکیں دور ءِ بنگیج ءِ رنگ ءَ ثابت بیت۔ ھزانگ ءِ وزیر ءَ گوشت کہ ایشی ءَ چہ پیسر آ ھم راست پروگرام ءِ بنداتی موہ ءَ اسٹیٹ بینک ءَ اتکگ ات۔ مرچی پاکستان ءِ ڈیجیٹل فنانشل سسٹم ءِ مہکمیں ستون ءِ رنگ ءَ راست جوڑ بوتگ۔ راست پروگرام ءَ ادائیگی ءِ نظام ءَ انقلابی بدلی آورتگ، مزن وزیر وت کیش لیس پاکستان ءِ گامگیج ءِ سروکی ءَ کنگ ءَ اِنت۔ آئی ءَ اے گپ ءِ سر ءَ دل یکیمی ءِ درشان کت کہ راست نوں آزات گورننس ڈھانچہ ءُ کارآمدیں آپریٹنگ ماڈل ءِ چیر دستی ءَ کار کنگ ءَ اِنت۔ آئی ءَ گوشت کہ ٹیکنالوجی ءِ دیمروئی ءُ سرمایہ کاری وسیلگ آنی تہ ءَ تنوع اقتصادی اصلاحات ءُ جدید کنگ ءِ عمل ءَ بنیاتی جیڈھ اَنت۔ اے درگت ءَ نجی شعبہ ءِ کمک ءَ سرکاری خزانہ ءِ بل آنی تہ ءَ سرمایہ کاری ءِ آسراتی کم چہ کم 100کروڑ کلدار ءَ چہ سرمایہ کاری کنگ بوتگ۔ جاز کیش ءِ وسیلگ ءَ 5000 ءِ زرّ ءِ دیم ءَ آرگ بوتگ کہ ایشی ءِ آسر ءَ تاں انوگ ءَ 1000 ءَ چہ گیش نوکیں سرمایہ کاراں اے نظام ءَ چہ نپ چست کتگ۔ آئی ءَ گوشت کہ انویسٹ پاک پورٹل ءِ بندات ءَ چہ خوردہ سرمایہ کار آنی واستہ گیشاں چہ گیش نوکیں ءُ آسانیں سرمایہ کاری ءِ موہ رس ایت۔ وزیر ءِ ھزانگ ءَ گوشت کہ گوستگیں ھژدہ ماھ آنی تہ ءَ پاکستان اسٹاک مارکیٹ ءَ نوکیں سرمایہ کار آنی مزنیں کساس ءَ ھوار بوتگ ایشی ءِ تہ ءَ ورنا آنی مزنیں بھر ءِ ھاسیں رنگ ءَ جنریشن زیڈ ھوار اَنت۔ وزیر ءِ ھزانگ ءَ گوشت کہ سرمایہ کاری ءُ مالیاتی وسیلگ آناں تنوع کنگ وھد ءِ ضلورت اِنت۔ حکومت مالی ضلورت آنی واستہ ایوک ءَ بینک ءُ مالیاتی ادارگ آنی سر ءَ انحصار کنگ ءِ بدل ءَ انفرادی ءُ خوردہ سرمایہ کاری ءَ را گیش کنگ ءِ کوشست کنگ ءَ اِنت تانکہ سرمایہ کاری ءِ دائرہ کار ءَ را گیش ءُ گیوار کنگ بہ بیت۔ وزیر خزانہ ءَ زور پر دات کہ انویسٹ پیک پورٹل ءِ وڑیں گامگیج آنی سوبمندی ءِ واستہ صارفین ءِ رائے ءُ تجربگ آناں ھاسیں ارزشت دیگ المی اِنت، پرچا کہ ایشی ءَ چہ ایوک ءَ مھکمیں بھروسہ، شفافیت ءُ ادارگی ساکھ ءِ دیمروئی ممکن اِنت۔